ଝାରସୁଗୁଡା : ସିସିଟିଭି ପାଇଁ ଫସିଲା ଚୋର । ଜବତ ହେଲା ସମସ୍ତ ଚୋରି ହୋଇଥିବା ମୋବାଇଲ । ଏପରି ଘଟଣା ଦେଖିବାକୁ ମିଳିଛି ଝାରସୁଗୁଗୁଡା ଜିଲ୍ଲା ପଞ୍ଚଗାଁ ଛକରେ । ସୂଚନା ଅନୁସାରେ, ପଞ୍ଚଗାଁ ଛକରେ ଥୟନାଥ ମେହେରଙ୍କ ମୋବାଇଲ ଦୋକାନରୁ ଗତ ୨୨ ତାରିଖ ଦିନ ଚୋରି ହୋଇଥିଲା । ଚୋର ୩୬ଟି ମୋବାଇଲ ଚୋରି କରି ଫେରାର ହୋଇଯାଇଥିଲା । ଏନେଇ ଦୋକାନୀ ମାଲିକ ଥାନାରେ ଅଭିଯୋଗ କରିଥିଲେ ।
ମୋବାଇଲ ଲୁଟେରା ଗିରଫ :ସିସିଟିଭିରେ କଏଦ ହେଲା ଚୋରୀର ସମ୍ପୂର୍ଣ୍ଣ ଘଟଣା ପୁଲିସ ଥୟନାଥଙ୍କ ଅଭିଯୋଗ ଓ ସିସିଟିଭି ଫୁଟେଜକୁ ଭିତ୍ତି କରି ଘଟଣାର ଆରମ୍ଭ କରିଥିଲା ତଦନ୍ତ । ଘଟଣାର ୬ ଦିନ ପରେ ଅଭିଯୁକ୍ତକୁ ଚିଖିଲାପାଲି ଗ୍ରାମ ନିକଟସ୍ଥ ଜଙ୍ଗଲରୁ ଗିରଫ କରାଯାଇଛି । ଗିରଫ ଅଭିଯୁକ୍ତ ଜଣକ ଚିଖଲାପାଲି ଗାଁର ସଞ୍ଜୟ ବାରିକ । ତେବେ ଜବତ ହୋଇଥିବା ସମସ୍ତ ମୋବାଇଲର ଆନୁମାନିକ ମୂଲ୍ୟ ୫ ଲକ୍ଷ ଟଙ୍କା ହେବ ବୋଲି ଜିଲ୍ଲା ଆରକ୍ଷୀ ଅଧିକ୍ଷକ ବିକାଶ ଚନ୍ଦ୍ର ଦାସ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
