ଝାରସୁଗୁଡା: ବ୍ରଜରାଜନଗର ପୋଲିସ କବଜାରେ 3 ଡକାୟତ । ଗୁରୁବାର ରାତିରେ ଡକାୟତି ଉଦ୍ୟମ କରୁଥିବାବେଳେ ଏମାନଙ୍କୁ କାବୁ କରିଥିଲା ପୋଲିସ । ଗିରଫ ଅଭିଯୁକ୍ତ ରାମପୁର ଅଞ୍ଚଳର ଗୁଡୁ ସିଂ, ଶ୍ୟାମ ସହିସ, ପୂର୍ଣ୍ଣ ସାଗରା । ଏମାନଙ୍କ ନିକଟରୁ ଗୋଟିଏ ପିସ୍ତଲ, ଅଫୁଟା ଗୁଳି, ଭୁଜାଲି ସହ ଅନ୍ୟ ଆନୁଷଙ୍ଗିକ ସାମଗ୍ରୀ ଜବତ କରିଛି ପୋଲିସ ।
ଡକାୟତି ଉଦ୍ୟମ ପଣ୍ଡ, 3 ଗିରଫ - Police arrest three docaits
ଡକାୟତି ଉଦ୍ୟମ କରୁଥିବାବେଳେ 3 ଡକାୟତଙ୍କୁ ଗିରଫ କରିଛି ବ୍ରଜରାଜନଗର ପୋଲିସ । ଗିରଫ 3 ଡକାୟତ ରାମପୁର ଅଞ୍ଚଳର ହୋଇଥିବାବେଳେ ମାମଲା 4 ଅଭିଯୁକ୍ତ ଫେରାର ଅଛନ୍ତି ।
ଫଟୋ ସୌଜନ୍ୟ: ପ୍ରତିନିଧି, ଝାରସୁଗୁଡା
ସୂଚନାନୁସାରେ, ବ୍ରଜରାଜନଗର ହିଲଟପ କଲୋନୀର ଏକ ପରିତ୍ୟକ୍ତ ଘରେ 3 ଜଣ ଡକାୟତ ଡକାୟତି ଯୋଜନା ପ୍ରସ୍ତୁତ କରୁଥିଲେ । ଏହି ସମୟରେ ପୋଲିସ ପକ୍ଷରୁ ଉକ୍ତ ଘରେ ଚଢାଉ କରାଯାଇଥିଲା । ଚଢାଉ ବେଳେ ଡକାୟତମାନେ ପୋଲିସ ଉପରକୁ ଗୋଟିଏ ରାଉଣ୍ଡ ଫାଙ୍କା ଗୁଳି ଚାଳନା କରିଥିଲେ । ପରେ ସେଠାରୁ ଫେରାର ହେବାକୁ ଉଦ୍ୟମ କରୁଥିବା ବେଳେ ପୋଲିସ 3 ଜଣଙ୍କୁ କାବୁ କରି ନେଇଥିଲା । ଘଟଣାରେ ସମ୍ପୃକ୍ତ ଅନ୍ୟ 4 ଜଣ ଡକାୟତ ଫେରାର ଅଛନ୍ତି । ଏମାନେ କୋଇଲା ମାଫିଆ ତଥା ଦୁର୍ଦ୍ଦାନ୍ତ ଅପରାଧୀ ସୋନୁ ଘୋଷର ସହଯୋଗୀ ବୋଲି ଜଣାପଡିଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ