ଝାରସୁଗୁଡ଼ା: ଜିଲ୍ଲାରେ ଦିନକୁ ଦିନ ବଢ଼ିବାରେ ଲାଗିଛି ବେଆଇନ ମଦ କାରବାର । କେତେବେଳେ ବେନିୟମ ଭାବେ ତିଆରି ହେଉଥିବା ଦେଶୀମଦ ଉପରେ ପୋଲିସ ଏବଂ ଅବକାରୀ ବିଭାଗ ଚଢ଼ାଉ କରିଥାନ୍ତି, ତ ଆଉ କେତେବେଳେ ନକଲି ବିଦେଶୀ ମଦ ଉପରେ ଚଢ଼ାଉ । ପ୍ରତିଦିନ ଝାରସୁଗୁଡ଼ା ଜିଲ୍ଲାରେ ବେଆଇନ ମଦ କାରବାର ରୋକିବା ପାଇଁ ଉଭୟ ପୋଲିସ ଏବଂ ଅବକାରୀ ବିଭାଗ ଉଦ୍ୟମ ଜାରି ରଖିଛନ୍ତି । ତଥାପି ରୋକାଯାଇ ପାରୁନାହିଁ ଏହି ମଦ କାରବାର । ଲାକୁନା ରହିଛି କେଉଁଠି ? ଏପଟେ ମଦରୁ ମିଲୁଥିବା ରାଜସ୍ବରେ ମଧ୍ୟ ହେରଫେର ହେଉଥିବା ଭଳି ତଥ୍ୟ ସାମ୍ନାକୁ ଆସିଛି ।
ପୋଲିସ-ଅବକାରୀ ବିଭାଗ ମଧ୍ୟରେ ନାହିଁ ତାଳମେଳ
ସେପଟେ ଗତ ୨ ବର୍ଷର ଅବକାରୀ ବିଭାଗର ଏକ ରିପୋର୍ଟ ଅନୁସାରେ, ୨୦୨୦-୨୧ରେ ୫୧୪ଟି ମାମଲା ଦାଏର ହୋଇଥିବା ବେଳେ ୩୯,୩୧,୫୩,୧୨୦ ଟଙ୍କାର ରାଜସ୍ବ (ଉଭୟ ଜବତ ଏବଂ କର ବାବଦ ଅର୍ଥ) ଆଦାୟ ହୋଇଥିଲା, ୨୦୨୧-୨୨ମାର୍ଚ୍ଚ ମାସରେ ୯୩୯ଟି ମାମଲା ଦାଏର ହୋଇଥିବା ବେଳେ ୪୭,୨୭,୧୮,୦୪୦ ଟଙ୍କାର ରାଜସ୍ବ ଆଦାୟ କରାଯାଇଥିବା ଅବକାରୀ ବିଭାଗ ପକ୍ଷରୁ ସୂଚନା ରହିଛି ।