ଝାରସୁଗୁଡା: ଜିଲ୍ଲାର ବିଭିନ୍ନ ସ୍ଥାନରେ ଖୁଲମଖୁଲା ଭାବେ ଉଡନ୍ତା ପାଉଁଶ ପକାଯିବାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ପ୍ରତିବାଦର ସ୍ବର ଘନେଇବାରେ ଲାଗିଛି । ବେଆଇନ ପାଉଁଶ ପରିଚାଳନାକୁ ନେଇ ଜିଲ୍ଲାରେ ଜନ ଅସନ୍ତୋଷ ବୃଦ୍ଧି ପାଇବାରେ ଲାଗିଛି । ଗୋଟିଏ ପରେ ଗୋଟିଏ ସ୍ଥାନରେ ରାତାରାତି ପାହାଡ଼ ପରି ଜମା ହେଉଛି ପାଉଁଶ । ଏହାକୁ ନେଇ ପରିବେଶ ପ୍ରେମୀ ଆପତ୍ତି ମଧ୍ୟ ଉଠାଉଥିବା ବେଳେ ବିଭିନ୍ନ ମାମଲାରେ ଜାତୀୟ ଗ୍ରୀନ ଟ୍ରିବୁନାଲରେ ବିଚାରାଧୀନ ରହିଛି । ଝାରସୁଗୁଡ଼ା ନିକଟସ୍ଥ କୁମୁଡ଼ାପାଲି ଜଙ୍ଗଲରେ ପାଉଁଶ ଗଦା କରାଯାଉଥିବା ବେଳେ ଆଞ୍ଚଳିକ ପରିବେଶ ସୁରକ୍ଷା ସଂଘ ଏହା ଉପରେ ଆପତ୍ତି କରିଛି ।
ବେଆଇନ ପାଉଁଶ ପରିଚାଳନାକୁ ବିରୋଧ