ଝାରସୁଗୁଡା: ପୋଲିସ ହାତରେ କେବିସି ଲୁଟେରା । କେବିସି ନାଁରେ ଲୋକଙ୍କୁ କରୁଥିଲେ ଟାର୍ଗେଟ । ଆଉ ଲୁଟି ଚାଲିଥିଲେ ଲକ୍ଷ ଲକ୍ଷ ଟଙ୍କା । ଶେଷରେ ଏହି ସାଇବର ଠକଙ୍କୁ ଧରିବାରେ ସଫଳ ହୋଇଛି ଝାରସୁଗୁଡା ପୋଲିସ । ସାଇବର ଠକ ଜଣକ ହେଲେ ନିରଜ କୁମାର । ତାଙ୍କ ଘର ବିହାରରେ ବୋଲି ଜଣାପଡିଛି । ନିକଟରେ ସେ ବେଲପାହାଡ଼ରେ ରହୁଥିବା ନିତା ଛତର ନାମକ ଜଣେ ଯୁବତୀଙ୍କ ଠାରୁ କେବିସି ନାଁରେ ଲକ୍ଷାଧିକ ଟଙ୍କାର ଚୁନା ଲଗାଇଥିଲେ । ନିରଜକୁ ପୋଲିସ ନେପାଳ ବର୍ଡରରୁ ଗିରଫ କରିବା ପରେ ରିମାଣ୍ଡରେ ଆଣିଛି । ଏହାସହ ତା ନିକଟରୁ 40 ଲକ୍ଷରୁ ଊର୍ଦ୍ଧ୍ବ ଟଙ୍କା ଠାବ କରିଛି ।
କେବିସି ନାଁରେ କୋଟି କୋଟି ଟଙ୍କାର ଠକେଇ, ବିହାରରୁ ଠକକୁ ବାନ୍ଧିଲା ପୋଲିସ ଘଟଣା ଅନୁସାରେ, ଗତ ୨୩ ତାରିଖ ରାତିରେ ଏକ ଅଜଣା ନମ୍ବରରୁ ନିତାଙ୍କ ପାଖକୁ ଫୋନ ଆସିଥିଲା । ଫୋନ କରିଥିବା ବ୍ୟକ୍ତି ଜଣକ ନିଜକୁ ‘କୌନ ବନେଗା କରୋଡପତି’ର ସଦସ୍ୟ ହିସାବରେ ପରିଚୟ ଦେଇ ନିତାଙ୍କୁ ଆପଣ ୩୫ ଲକ୍ଷ ଟଙ୍କାର ଲଟେରୀ ଜିତିଛନ୍ତି ବୋଲି କହିଥିଲା ଏବଂ ଏହି କଥାକୁ କାହାକୁ ନକହିବା ପାଇଁ କହିଥିଲେ ।
କେବିସି ନାଁରେ ଲକ୍ଷାଧିକ ଟଙ୍କାର ଠକେଇ ଘଟଣା; ନେପାଳ ବର୍ଡରରୁ ଠକ ଗିରଫ ପରେ ବିଭିନ୍ନ ଆଳରେ ନିତାଙ୍କ ଠାରୁ 1 ଲକ୍ଷ 69 ହଜାର ଟଙ୍କା ବାରମ୍ବାର ଲୁଟିନେଇଥିଲେ ସାଇବର ଠକ । ଅନ୍ୟପଟେ ନିରଜ ନିତାଙ୍କଠାରୁ ଠକେଇ କରିଥିବା ଟଙ୍କା ସବୁ ତୁରନ୍ତ ତାର ସହଯୋଗୀ ମହେଶ କୁମାର ଓ ରମେଶ କୁମାରର ଆକାଉଣ୍ଟକୁ ପଠାଇଥିଲା । ସମସ୍ତଙ୍କ ବ୍ୟାଙ୍କ ଆକାଉଣ୍ଟ ସହ ମୋବାଇଲ ନମ୍ବର ଲିଙ୍କଥିବାରୁ ପୋଲିସ ଏହାକୁ ଟ୍ରେସ କରି ନିରଜର ଲୋକେସନ ଜାଣିବା ସହ ବ୍ରଜରାଜନଗର ଏସଡିପିଓ ଦୀଲିପ ଦାସଙ୍କ ନେତୃତ୍ବରେ ଏକ ସ୍ବତନ୍ତ୍ର ଟିମ କରି ପ୍ରଥମେ ବିହାର ଓ ପରେ ନିରଜ ଥିବା ସ୍ଥାନ ନେପାଳ ବର୍ଡରକୁ ଯାଇ ସେଠାରେ ତାକୁ କାବୁ କରିଥିଲା ।
ତେବେ ଏବେ ମଧ୍ୟ ନିରଜର ଅନ୍ୟ ସହଯୋଗୀ ମାନେ ପୋଲିସ ହାତରେ ଧରାପଡି ନାହାନ୍ତି । ଏହି ଗ୍ୟାଙ୍ଗକୁ ପୋଲିସ ଧରିବା ପାଇଁ ଚେଷ୍ଟା ଚଲାଇଛି । ନିରଜ ଓ ତାର ସହଯୋଗୀମାନେ ୨ ମାସରେ ନିରୀହ ଲୋକଙ୍କଠାରୁ ପ୍ରାୟ 3 କୋଟିରୁ ଊର୍ଦ୍ଧ୍ବ ଟଙ୍କା ଠକେଇ କରିଥିବାବେଳେ ୭ ଦିନରେ ନିରଜ ରମେଶ କୁମାରକୁ ୩୨ ଲକ୍ଷ ଟଙ୍କା ପଠାଇଥିବାବେଳେ ମହେଶ କୁମାରକୁ ୨୬ ଲକ୍ଷ ଟଙ୍କା ପଠାଇଥିଲା ବୋଲି ପୋଲିସ ସୂଚନା ଦେଇଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
