ଛଟ୍‌ ପୂଜା ପୂର୍ବରୁ ଅଘଟଣ, ଇବ୍‌ ନଦୀରେ ବୁଡି ଜଣେ ମୃତ

ଇବ୍ ନଦୀରେ ବୁଡି ଜଣେ ମୃତ । ମୃତକ ହେଲେ ବୁରୋମାଲ ଅଞ୍ଚଳର ଗଙ୍ଗାଧର ସା । ଛଟ୍ ପୂଜା ପାଇଁ ନଦୀଘାଟ ସଫା କରୁଥିବା ବେଳେ ଘଟିଛି ଏହି ଅଘଟଣ ।

ଝାରସୁଗୁଡା: ଛଟ୍ ପୂଜା ପୂର୍ବରୁ ଝାରସୁଗୁଡାରେ ଅଘଟଣ । ଇବ୍ ନଦୀରେ ବୁଡି ଜଣେ ମୃତ । ମୃତକ ହେଲେ ବୁରୋମାଲ ଅଞ୍ଚଳର ଗଙ୍ଗାଧର ସା । ଛଟ୍ ପୂଜା ପାଇଁ ନଦୀଘାଟ ସଫା କରୁଥିବା ବେଳେ ଘଟିଛି ଏହି ଅଘଟଣ ।

ସୂଚନା ଅନୁସାରେ, ଆଗକୁ ଛଟ୍ ପୂଜା ଥିବାରୁ ଗଙ୍ଗାଧର ଓ ଅନ୍ୟଜଣେ ଯୁବକ ନଦୀଘାଟରେ ସଫାସଫି କରୁଥିଲେ । ହେଲେ ନଦୀର ପ୍ରଖର ସ୍ରୋତରେ ଉଭୟେ ଭାସି ଯାଇଥିଲେ । ସ୍ଥାନୀୟ ଲୋକେ ଜଣଙ୍କୁ ଉଦ୍ଧାର କରିଥିବା ବେଳେ ଗଙ୍ଗାଧରଙ୍କ କୌଣସି ପତ୍ତା ମିଳିନଥିଲା । ଉପସ୍ଥିତ ଲୋକେ ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବାହିନୀ ଓ ଓଡ୍ରାଫ ଟିମ୍ ଘଟଣାସ୍ଥଳରେ ପହଞ୍ଚି ବହୁ ଖୋଜାଖୋଜି କରିବା ପରେ ଗଙ୍ଗାଧରଙ୍କୁ ଉଦ୍ଧାର କରିଥିଲେ । ସେଠାରୁ ସଙ୍ଗେସଙ୍ଗେ ଝାରସୁଗୁଡା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲେ ବି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ