ଝାରସୁଗୁଡା: ଓଡିଶା ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗଙ୍କ ଝାରସୁଗୁଡା ଗସ୍ତ । ଝାରସୁଗୁଡା ସ୍ଥିତ ଫେଥ ଆଉଟ ନାବାଳକ ଅନ୍ତେବାସୀଙ୍କ ସହ ଯୌନ ନିର୍ଯାତନା ମାମଲାର ତଦନ୍ତ ପାଇଁ ଝାରସୁଗୁଡ଼ା ସର୍କିଟ ହାଉସରେ ଏହି ମାମଲାର ସମୀକ୍ଷାରେ ଝାରସୁଗୁଡ଼ା ଜିଲ୍ଲାପାଳ ସରୋଜ କୁମାର ସାମଲ, ଏସପି ରାହୁଲ ପିଆର ଓ ସିଡବ୍ଲୁସି ଅଧ୍ୟକ୍ଷା ଆନନ୍ଦିନି ପାଢ଼ୀ ଓ ଅନ୍ୟ ସଦସ୍ୟମାନେ ଉପସ୍ଥିତ ରହିଥିଲେ ।
ଓଡିଶା ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ
ସୂଚନାଯୋଗ୍ୟ ଯେ, ଯୌନ ନିର୍ଯାତନା ମାମଲାରେ ଫେଥ ଆଉଟ ରିଚ ସଂସ୍ଥାର ଜନ ପି. ବ୍ରିଜକୁ ଜାମିନ ଦେଇଛନ୍ତି ମାନ୍ୟବର କୋର୍ଟ । ଅନ୍ୟପଟେ ଯୌନ ନିର୍ଯାତନା ଅଭିଯୋଗ ହେବା ପରେ ଝାରସୁଗୁଡା ଜିଲ୍ଲା ପ୍ରଶାସନ ପକ୍ଷରୁ ଫେଥ ଆଉଟ ରିଚ ସଂସ୍ଥାକୁ ସିଲ କରାଯାଇଛି।
ଜଣେ ନାବାଳକ ସହ ଅପ୍ରାକୃତିକ ଯୌନକ୍ରିୟା କରିଥିବା ଅଭିଯୋଗରେ ଝାରସୁଗୁଡ଼ା ପୋଲିସ ତାଙ୍କୁ ଗିରଫ କରିଥିବା ବେଳେ ଗିରଫର ଦିନକ ପରେ ଝାରସୁଗୁଡା ପୋସ୍କୋ ଅଭିଯୁକ୍ତକୁ କୋର୍ଟ ଜାମିନ ପ୍ରଦାନ କରିଥିଲେ।