ଝାରସୁଗୁଡା:ଝାରସୁଗୁଡା ଜିଲ୍ଲା ଲଖନପୁର ବ୍ଲକ ଚାଣ୍ଟିପାଲି ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ଯୁଗ୍ମ ଜନ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ଆବୋଲୀ ସୁନିଲ ନରୱଣେଙ୍କ ଅଧ୍ୟକ୍ଷତାରେ ଏହା ଶିବିର ଅନୁଷ୍ଠିତ ହୋଇଥିଲା । ତେବେ ଏଥିରେ ମୋଟ ୫୯ଟି ଅଭିଯୋଗ ଆଗତ ହୋଇଥିବା ବେଳେ ସେଥିରେ ୨୭ଟି ସାମୁହିକ ଅଭିଯୋଗ ଓ ୩୨ଟି ବ୍ୟକ୍ତିଗତ ଅଭିଯୋଗ ରହିଛି ।
ଏହାମଧ୍ୟ ପଢନ୍ତୁ..ବ୍ରହ୍ମପୁରରେ ପ୍ରତ୍ୟେକ ୱାର୍ଡରେ ଅଭିଯୋଗ ଶୁଣାଣି କାର୍ଯ୍ୟକ୍ରମ, ଲୋକଙ୍କ ସମସ୍ୟା ଶୁଣିବେ ମେୟର
ଝାରସୁଗୁଡାର ରେମତା ପଞ୍ଚାୟତରେ ମନରେଗା କାର୍ଯ୍ୟରେ ଦୁର୍ନୀତି ଓ ଗ୍ରାମସାଥୀ ପରିବର୍ତ୍ତନ, କିରିଟମାଲ ପଞ୍ଚାୟତରେ ଦକ୍ଷିଣକାଳୀ ମନ୍ଦିର ଓ କଲ୍ୟାଣ ମଣ୍ଡପ କାମ ଶେଷ କରିବା ଏବଂ ରାଧାକୃଷ୍ଣ ମନ୍ଦିରର ମରାମତି, ମହୁଲପାଲି ମେଗାଲିଫ୍ଟ ପଏଣ୍ଟର ୱାଟର ଆଉଟଲେଟ ସଠିକ ଜାଗାରେ ଦିଆଯିବା, ଚାରପାଲି ପଞ୍ଚାୟତରେ ଧାନକିଣା ପାଇଁ କନକତୋରା ମିଲରକୁ ଅନୁମତି ଦିଆ ନ ଯିବା, ପିଥିଣ୍ଡା ଗ୍ରାମ ବାହଳ ବନ୍ଧରୁ ପନିପରିବା ଚାଷ ପାଇଁ ପାଣି ଯୋଗାଣ, ମୂରଲିପାଲି ହରିଜନପଡା ଶିବ ମନ୍ଦିର ସମ୍ପୂର୍ଣ୍ଣିକରଣ, ଦେହରିଢ଼ିପାରେ ପ୍ରାଥମିକ ବିଦ୍ୟାଳୟ ଖୋଲାଯିବା, ମୋ ଉପକାରୀ ବଗିଚା ଯୋଜନାରେ ବଣ୍ଟନ କରାଯାଇଥିବା ଚାରାର ପ୍ରାପ୍ୟ ପ୍ରଦାନ ଓ ଚାଣ୍ଟିପାଲି ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକଙ୍କ ଡେପୁଟେସନ ବାତିଲ ଆଦି ସାମୂହିକ ଅଭିଯୋଗ ଗୁଡିକ ଆସିଥିବା ବେଳେ ଏହାର ଶୁଣାଣି କରିଥିଲେ ଜିଲ୍ଲାପାଳ । ଏହି ଅଭିଯୋଗ ଗୁଡିକର ସମାଧାନ ଦିଗରେ ପଦକ୍ଷେପ ନେବାକୁ ସମ୍ପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ଅନ୍ୟପଟେ ଶିବିରରେ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ୪ ଜଣଙ୍କୁ ୨୦ ହଜାର ଟଙ୍କାର ସହାୟତା ରାଶି ପ୍ରଦାନ କରାଯାଇଥିଲା ।