ଝାରସୁଗୁଡା: ସେପ୍ଟେମ୍ବର 7ରେ ଚନ୍ଦ୍ରପୃଷ୍ଠରେ ଅବତରଣ କରିବ ‘ଚନ୍ଦ୍ରଯାନ-2’ । ଇସ୍ରୋର ଏହି ଐତିହାସିକ ଦୃଶ୍ୟକୁ ପ୍ରଧାନମନ୍ତ୍ରୀ ମୋଦିଙ୍କ ସହ ଦେଖିବାକୁ ସୁଯୋଗ ପାଇବେ ଝାରସୁଗୁଡାର ଡିଏଭି ଛାତ୍ର । । ୱେବସାଇଟ www.www.mygov.inରେ ସ୍ପେସ କୁଇଜ 2019ରେ ସର୍ବାଧିକ ନମ୍ବର ରଖି ଓଡ଼ିଶା ପାଇଁ ଗୌରବ ଆଣିଛନ୍ତି ଚିନ୍ମୟ ଚୌଧୁରୀ ।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା
ଝାରସୁଗୁଡା ବନ୍ଧବାହାଲ ଡିଏଭି ସ୍କୁଲର ଅଷ୍ଟମ ଶ୍ରେଣୀରେ ପାଠ ପଢୁଥିବା ଚିନ୍ମୟ ଅନଲାଇନ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ଇସ୍ରୋ ଓ ପିଏମଓ ପକ୍ଷରୁ ତାଙ୍କୁ ନିମନ୍ତ୍ରଣ କରାଯାଇଛି । ଚିନ୍ମୟଙ୍କ ଏହି ସଫଳତାକୁ ନେଇ ବାପା ଓ ମାଆ ଗର୍ବିତ ମନେ କରୁଛନ୍ତି । ବାପା ପଙ୍କଜ କୁମାର ମହାନଦୀ କୋଇଲା ଖଣିରେ ଚାକିରି କରୁଥିବାବେଳେ ମାଆ ଜଣେ ଶିକ୍ଷୟତ୍ରୀ । ସେପଟେ ତାଙ୍କର କୃତିତ୍ବ ପାଇଁ ବାପାମାଆ ଶ୍ରେୟ ଦେଇଛନ୍ତି ଚିନ୍ମୟ ।