ସୁନା ଦୋକାନରୁ ଗହଣା ଲୁଟ, 3 ଅଭିଯୁକ୍ତଙ୍କୁ ବାନ୍ଧିନେଲା ପୋଲିସ

ଗତ ୧୫ ତାରିଖ ଦିନ ରାତିରେ ଝାରସୁଗୁଡା ବ୍ରଜରାଜନଗର ଗାନ୍ଧୀ ଛକ ନିକଟରେ ଥିବା ଏକ ଗହଣା ଦୋକାନରୁ ଗହଣା ଚୋରୀ କରିଥିବା ୩ ଅଭିଯୁକ୍ତ ଗିରଫ । ଘଟଣାରେ ପୋଲିସ ସୁନାଗହଣା ସହ ଗୋଟିଏ ବନ୍ଧୁକ ଓ ୩ଟି ମୋବାଇଲ ଫୋନ ଜବତ କରିଛି ।

ଝାରସୁଗୁଡା: ସୁନା ଦୋକାନରୁ ଗହଣା ଲୁଟ କରିଥିବା ୩ ଜଣକୁ ଗିରଫ କରିଛି । ଏ ନେଇ ସମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି ଡିଆଇଜି ହିମାଂଶୁ ଲାଲ । ଘଟଣାରେ ପୋଲିସ ସୁନାଗହଣା ସହ ଗୋଟିଏ ବନ୍ଧୁକ ଓ ୩ ଟି ମୋବାଇଲ ଫୋନ ଜବତ କରିଛି ।

ସୁନାଗହଣା ଲୁଟ କରିଥିବା ତିନି ଅଭିଯୁକ୍ତ ଅମର ବର୍ମା, ସୁରେନ୍ଦ୍ର ଚୌଧୁରୀ, କୂଳଦୀପ ସୋନିକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଗତ ୧୫ ତାରିଖ ଦିନ ରାତିରେ ଝାରସୁଗୁଡା ବ୍ରଜରାଜନଗର ଗାନ୍ଧୀ ଛକ ନିକଟରେ ଥିବା ଏକ ଗହଣା ଦୋକାନରୁ ଅମର ବର୍ମା, ସୁରେନ୍ଦ୍ର ଚୌଧୁରୀ ୨ ରାଉଣ୍ଡ ଗୁଳି ଫୁଟାଇ ଲକ୍ଷାଧିକ ଟଙ୍କାର ଗହଣା ଓ ନଗଦ ଟଙ୍କା ଲୁଟି ନେଇଥିଲେ ।ପରେ ଚୋରି ଗହଣାକୁ କୂଳଦୀପ ସୋନି ବିକ୍ରି କରିଥିଲା ।

ଝାରସୁଗୁଡାରୁ ରବି ନାରାୟାଣ ସାହୁ, ଇଟିଭି ଭାରତ