ଝାରସୁଗୁଡା: ସପ୍ତାହେ ବ୍ୟାପି ଜମ୍ମୁ କାଶ୍ମୀରକୁ ନେଇ ଚାଲିଥିବା ସବୁ କଳ୍ପନାଜଳ୍ପନା ଏବଂ ଅନିଶ୍ଚିତତାର ଅନ୍ତ ଘଟିଛି । ବଦଳିଲା ଦୀର୍ଘ 70 ବର୍ଷର ପୁରୁଣା ନିୟମ । ଜମ୍ମୁ କାଶ୍ମୀରରୁ ଉଚ୍ଛେଦ ହେଲା ଧାରା 370 ଏବଂ 35(ଏ) । ଏହି ନିୟମକୁ ହଟାଇବା ପାଇଁ ଗୃହମନ୍ତ୍ରୀ ଅମିତ୍ ଶାହ ରାଷ୍ଟ୍ରପତିଙ୍କ ମଞ୍ଜୁରୀ ହାସଲ କରିଥିବା ଆଇନ ଏବଂ ନ୍ୟାୟ ମନ୍ତ୍ରାଳୟର ବିଜ୍ଞପ୍ତି ପ୍ରଦର୍ଶନ କରିଥିଲେ । ରାଜ୍ୟସଭାକୁ ସମ୍ବୋଧିତ କରିବା ସମୟରେ ଅମିତ ଶାହ ଏସମ୍ପର୍କରେ ସୂଚନା ଦେଇଥିଲେ ।
ଭିିଡିଓ ସୌଜନ୍ୟ :ପ୍ରତିନିଧି, ଝାରସୁଗୁଡା
ଏହି ଧାରା ଉଚ୍ଛେଦ ହେବା ପରେ ଜମ୍ମୁ କାଶ୍ମୀରକୁ ମିଳୁଥିବା ସ୍ବତନ୍ତ୍ର ରାଜ୍ୟ ମାନ୍ୟତା ହରାଇଲା ଜମ୍ମୁ-କଶ୍ମୀର । ଏଥିସହିତ ଏହାକୁ ଏକ କେନ୍ଦ୍ରଶାସିତ ଅଞ୍ଚଳ ଭାବେ ଘୋଷଣା କରିଛନ୍ତି ମୋଦି ସରକାର । ଏତତ୍ବ୍ୟତୀତ ଜମ୍ମୁ କଶ୍ମୀରରୁ ଲଦାଖକୁ ଭିନ୍ନ କରାଯାଇ କେନ୍ଦ୍ରସାସିତ ଅଞ୍ଚଳ ଭାବେ ଘୋଷଣା କରାଯାଇଛି ।