ଝାରସୁଗୁଡା: ହାଇକୋର୍ଟରେ ବେଦାନ୍ତ କମ୍ପାନୀର ସମ୍ପ୍ରସାରଣ ନେଇ ହୋଇଥିବା ମାମଲାର ଜନଶୁଣାଣିର ନିଷ୍ପତ୍ତି ଝାରସୁଗୁଡା ଜିଲ୍ଲାପାଳଙ୍କ ଉପରେ ନ୍ୟସ୍ତ ପରେ ଜିଲ୍ଲାପାଳଙ୍କ କାର୍ଯାଳୟରେ ଏବେ ଅଭିଯୋଗକାରୀଙ୍କ ଭିଡ । ପିଟିସନକାରୀ ସମେତ ବିଜେପି, କଂଗ୍ରେସ ଓ ବିଭିନ୍ନ ସଂଗଠନ ଦ୍ବାରା ଜିଲ୍ଲାପାଳଙ୍କ ନିକଟରେ ଅଭିଯୋଗ ଦାଖଲ କରାଯାଇଛି ।
ଜିଲ୍ଲାପାଳଙ୍କ ଉପରେ ଜନଶୁଣାଣି ଦାୟିତ୍ବ, କାର୍ଯ୍ୟାଳୟରେ ଲୋକଙ୍କ ଭିଡ
ଝାରସୁଗୁଡ଼ା ସ୍ଥିତ ବେଦାନ୍ତ ଆଲୁମିନିୟମର ସ୍ମେଲଟର ଉତ୍ପାଦନ କ୍ଷମତା ବୃଦ୍ଧି ପାଇଁ ଗତ ସେପ୍ଟେମ୍ବର ୩୦ ତାରିଖରେ କୁରେବଗା ଠାରେ ଜନ ଶୁଣାଣି ଅନୁଷ୍ଠିତ ହୋଇଥିଲା । ପରେ ଏହି ଘଟଣାରେ କିଛି ପକ୍ଷ ଏହା ବିରୋଧରେ ହାଇକୋର୍ଟର ଦ୍ବାରସ୍ଥ ହୋଇଥିଲେ । କୋର୍ଟ ଏହାର ଶୁଣାଣି କରି ନିଷ୍ପତ୍ତି ଝାରସୁଗୁଡା ଜିଲ୍ଲାପାଳଙ୍କ ଉପରେ ଛାଡିଥିଲେ। ଏହି ମାମଲାର ନିଷ୍ପତ୍ତି ଝାରସୁଗୁଡା ଜିଲ୍ଲାପାଳଙ୍କ ଉପରେ ନିର୍ଭର କରିବ ବୋଲି ହାଇକୋର୍ଟ ସ୍ପଷ୍ଟ କରିଛନ୍ତି । ଆଜି ପିଟିସନକାରୀ ସମେତ ବିଜେପି, କଂଗ୍ରେସ ଏବଂ ବିଭିନ୍ନ ସାମାଜିକ ସଂଗଠନ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି ।