ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ସନ୍ଦେହ

ଓରିଏଣ୍ଟ ଥାନା ଅନ୍ତର୍ଗତ MCL କଲ୍ୟାଣ ମଣ୍ଡପ ପଛପଟରୁ ଯୁବକଙ୍କ ମୃତଦେହ ଉଦ୍ଧାର । ହତ୍ୟା ସନ୍ଦେହ । ଅଧିକ ପଢନ୍ତୁ

ଝାରସୁଗୁଡ଼ା: ଓରିଏଣ୍ଟ ଥାନା ଅନ୍ତର୍ଗତ MCL କଲ୍ୟାଣ ମଣ୍ଡପ ପଛ ପଟରୁ ଜଣେ ଯୁବକର ମୃତଦେହ ଉଦ୍ଧାର ହୋଇଛି । ମୃତକ ଜଣକ କୈଳାଶ ଗୌଡ଼(40) । ସେ ଦୁର୍ଗା ନଗର କ୍ୱାଟର ନଂ 332ରେ ରହୁଥିବା ବେଳେ ଗଞ୍ଜାମ ଲୁଣିପଡାର ବାସିନ୍ଦା ବୋଲି ଜଣାପଡିଛି ।

ସୂଚନା ଅନୁସାରେ, ଓରିଏଣ୍ଟ ଥାନା ଅନ୍ତର୍ଗତ MCL କଲ୍ୟାଣ ମଣ୍ଡପର ପଛ ପଟେ ଥିବା ଏକ ଟାୱାରରେ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ପରେ ଲୋକେ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିଥିଲା ।

କୈଳାଶ କୋଇଲା ଖଣିରେ ଏକ ଘରୋଇ ସିକ୍ୟୁରିଟି ଗାର୍ଡ ଭାବରେ କାମ କରୁଥିଲେ । ସାଇଣ୍ଟିଫିକ ଟିମ ପହଞ୍ଚିବା ପରେ ହିଁ ଅଧିକ ତଥ୍ୟ ମିଳି ପାରିବ ବୋଲି ପୋଲିସ ପକ୍ଷରୁ କୁହାଯାଇଛି । କୈଳାଶଙ୍କର ଗୋଡ଼ ତଳେ ଲାଗିଛି । ଗୋଡ଼ ଦୁଇଟି ବନ୍ଧା ହୋଇଥିବାରୁ ଏହା ଏକ ହତ୍ୟା ବୋଲି ସନ୍ଦେହ କରାଯାଉଛି ।

ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ