ଝାରସୁଗୁଡ଼ା: ପଶ୍ଚିମ ଓଡିଶାରେ ସ୍ବଳ୍ପ ବୃଷ୍ଟି କାରଣରୁ ମରୁଡି଼ ଭଳି ପରିସ୍ଥିତି ସୃଷ୍ଟି ହୋଇଛି । ମରୁଡ଼ିର ଭୟାବହତାକୁ ଦେଖି ଇନ୍ଦ୍ର ଭଗବାନଙ୍କୁ ସନ୍ତୁଷ୍ଟ କରିବାକୁ ଉଦ୍ୟମ କରିଛନ୍ତି ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ହେମାନନ୍ଦ ବିଶ୍ବାଳ । ଏଥିଲାଗି ସେ ଜନ୍ମମାଟି କିର୍ମିରା ବ୍ଲକରେ ଠାକୁରପଡ଼ା ଇନ୍ଦ୍ର ଭଗବାନଙ୍କୁ ପୂଜା କରିଛନ୍ତି ।
ମରୁଡ଼ି ଭୟାବହତା: ଇନ୍ଦ୍ର ପୂଜା କଲେ ପୂର୍ବତନ ମୁଖ୍ୟମନ୍ତ୍ରୀ ହେମାନନ୍ଦ
ହିନ୍ଦୁ ଧର୍ମର ରୀତିନୀତି ଅନୁସାରେ ଇନ୍ଦ୍ର ଦେବତାଙ୍କୁ ପୂଜା ସମୟରେ ହୋମ ଯଜ୍ଞ ଆୟୋଜନ କରାଯାଇଥିଲା ବେଳେ ହେମାନନ୍ଦ ବିଶ୍ବାଳ ନିଜ ପତ୍ନୀଙ୍କ ସହ ପୂଜାରେ କର୍ତ୍ତା ଭାବେ ବସିଥିଲେ । ରବିବାର ହେମାନନ୍ଦଙ୍କ ନିଜ ଗ୍ରାମରେ ଅନୁଷ୍ଠିତ ଏହି ପୂଜା ପାଇଁ ଗ୍ରାମବାସୀ ସହଯୋଗ କରିଥିଲେ । ଚଳିତବର୍ଷ ଅଗଷ୍ଟ ମାସରେ ଆବଶ୍ୟକ ବର୍ଷାର ମାତ୍ର ଶତକଡା 30 ଭାଗ ବର୍ଷା ହୋଇଥିବାରୁ ଚାଷଜମି ଫାଟି ଯାଇଥିବା ଦେଖିବାକୁ ମିଳିଛି ।