ଝାରସୁଗୁଡ଼ା:ଝାରସୁଗୁଡ଼ା ଉପନିର୍ବାଚନରେ ବିଜେଡିର ବାଜିମାତ । ନିଜ ବିରୋଧୀ ଦଳକୁ ୪୮୮୧୪ ଭୋଟରେ ବିଜୟୀ ହେଲେ ବିଜେଡି ପ୍ରାର୍ଥିନୀ ଦୀପାଳି ଦାସ । ବିଜୟ ପରେ ପ୍ରଥମ ପ୍ରତିକ୍ରିୟା ରଖିଛନ୍ତି ଦୀପାଳି । ଏହି ବିଜୟ ଝାରସୁଗୁଡ଼ା ଲୋକଙ୍କ ବିଜୟ କହିବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବିଜୟର ଶ୍ରେୟ ଦେଇଛନ୍ତି । ବାପାଙ୍କ ଅଧୁରା ସ୍ବପ୍ନକୁ ପୂରଣ କରିବା ସହ ନୂଆ ଝାରସୁଗୁଡ଼ା ଗଢି ତୋଳିବେ ବୋଲି ସେ କହିଛନ୍ତି ।
ବିଜୟ ପରେ ପ୍ରତିକ୍ରିୟା ରଖି ଦୀପାଳି କହିଛନ୍ତି, "ଏହି ବିଜୟ ହେଉଛି ଝାରସୁଗୁଡ଼ାବାସୀଙ୍କ ବିଶ୍ବାସ ଓ ଭଲ ପାଇବା । ଝାରସୁଗୁଡ଼ା ବାସୀ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଜୁ ଜନତା ଦଳର ସମସ୍ତ ନେତୃବୃନ୍ଦ ମୋ ସହିତ ବାପାଙ୍କ ଭଳି ଠିଆ ହୋଇଥିଲେ । ଏଥିଲାଗି ସେମାନଙ୍କୁ ଧନ୍ୟବାଦ । ଏହି ବିଜୟ ଦ୍ବାରା ମୋ ବାପା ନବ କିଶୋର ଦାସଙ୍କ ଅସ୍ତିତ୍ବ, ବ୍ୟକ୍ତିତ୍ବ ଫେରିଆସିଛି । ମୁଁ ଆଜି ବିଧାୟିକ ହୋଇସାରିଲିଣି, ମୋ ବାପା ବହୁ ଗର୍ବ ଅନୁଭବ କରୁଥିବେ । ମୁଖ୍ୟମନ୍ତ୍ରୀଙ୍କ ଆଶୀର୍ବାଦରେ ବାପାଙ୍କ ଅଧୁରା ସ୍ବପ୍ନକୁ ପୂରଣ କରିବା ସହ ନୂଆ ଝାରସୁଗୁଡ଼ା ଗଢି ତୋଳିବି । ଝାରସୁଗୁଡ଼ାରେ ବିକାଶ କେବେ ଅଟକିବ ନାହିଁ । ଉପରୁ ମୋ ବାପାଙ୍କ ଆଶୀର୍ବାଦ ରହିଛି ।"
ଏହା ବି ପଢନ୍ତୁ- Jharsuguda By poll Results: ଦୀପାଳିଙ୍କ ବୃହତ ବିଜୟ, ଭାଙ୍ଗିଲେ ବାପାଙ୍କ ରେକର୍ଡ