ଝାରସୁଗୁଡା:ଓଡ଼ିଶା-ଛତିଶଗଡ଼ ସୀମାରେ ଥିବା ଝାରସୁଗୁଡା ଜିଲ୍ଲା ଲଖନପୁର ବ୍ଲକ ଅନ୍ତର୍ଗତ ୧୯ ଖଣ୍ଡ ମୌଜାର ଚାରୋଟି ଗ୍ରାମ ପଞ୍ଚାୟତ ସମେତ କନକତୋରା ଓ ବାଦୀମାଲ ଗ୍ରାମ ପଞ୍ଚାୟତରେ ଏବେ ଶୁଭିଛି ସରକାର ବିରୋଧୀ ସ୍ବର । ଚଳିତ ବର୍ଷ ଧାନମଣ୍ଡିର ଅବ୍ୟବସ୍ଥାକୁ ନେଇ ତାତିଲେ ଓଡିଶା-ଛତିଶଗଡ଼ ଅଞ୍ଚଳର ସୀମାନ୍ତବର୍ତ୍ତି ଚାଷୀ ।
ଅଦିନିଆ ବର୍ଷାରେ ମଣ୍ଡିରେ ପଡିଛି ଧାନ, ପ୍ରଶାସନ ନ ଶୁଣିଲେ ଛତିଶଗଡ଼ରେ ମିଶିଯିବାକୁ ଚାଷୀଙ୍କ ଚେତାବନୀ
ଚଳିତ ଖରିଫ ଋତୁ ପାଇଁ ଜିଲ୍ଲାରେ ଗତ ୨୫ ନଭେମ୍ବରରୁ ଧାନ ସଂଗ୍ରହ ଆରମ୍ଭ ହୋଇଥିବା ବେଳେ ଅନେକ ପ୍ୟାକ୍ସରେ କିଛିନାକିଛି ସମସ୍ୟା ଲାଗି ରହୁଛି । ଜିଲ୍ଲାରେ ୧୮ ହଜାର ୩୪୯ ଜଣ ଚାଷୀ ଧାନ ବିକ୍ରି ପାଇଁ ପଞ୍ଜିକୃତ କରିଥିବାବେଳେ ଆଜି ସୁଦ୍ଧା ମାତ୍ର ୧୨ ହଜାର ୬୬୧ ଜଣ ଚାଷୀ ୭ ଲକ୍ଷ ୫୭ ହଜାର କ୍ବିଣ୍ଟାଲ ଧାନ ବିକ୍ରି କରିଛନ୍ତି । ଗୋଟିଏ ପଟେ ଚଳିତ ବର୍ଷ ଟାର୍ଗେଟକୁ ନେଇ ଚାଷୀ ମାନେ ଦ୍ଵନ୍ଦରେ ରହୁଥିବା ବେଳେ ଜିଲ୍ଲାର ପଞ୍ଜିକୃତ ୩୧ ପ୍ରତିଶତ ଚାଷୀ ଆଶା ଓ ଆଶଙ୍କାରେ ।