ଝାରସୁଗୁଡ଼ା: ମେଡ଼ିକାଲକୁ ହାତ ପ୍ଲାଷ୍ଟର ପାଇଁ ଯାଇଥିବାବେଳେ ଶିଶୁ କାନ୍ଦିବାରୁ ଡାକ୍ତର ମାରିଲେ ଚାପୁଡ଼ା । ଝାରସୁଗୁଡ଼ା ଜିଲ୍ଲା ମଙ୍ଗଳବଜାର ସ୍ଥିତ ଏକ ଘରୋଇ ଡାକ୍ତର ଚିକିତ୍ସା ପାଇଁ ଆସିଥିବା ଶିଶୁକୁ ଚାପୁଡ଼ା ମାରିଥିବା ଅଭିଯୋଗ ହୋଇଛି। ଏହି ଘଟଣା ନେଇ ଶିଶୁର ବାପା ଥାନାରେ ଏତଲା ଦେଇଛନ୍ତି।
ଶିଶୁକୁ ଚିକିତ୍ସା ପାଇଁ ନେଇଥିବା ବେଳେ ଚାପୁଡ଼ା ମାରିଲେ ଡାକ୍ତର
ଘଟଣାନୁସାରେ ଝାରସୁଗୁଡ଼ା କାପୁମାଲରେ ରହୁଥିବା ସୁକାନ୍ତ ଦୀପଙ୍କ ପୁଅ ଖେଳୁଥିବା ସମୟରେ ପଡିଯାଇଥିଲା। ଆହତ ଶିଶୁକୁ ମଙ୍ଗଲବଜାର ସ୍ଥିତ ଏକ ଘରୋଇ ମେଡିକାଲକୁ ଆଣିବା ପରେ ଶିଶୁର ହାତ ଫ୍ୟାକଚର ହୋଇଥିବା ଜଣାପଡ଼ିଥିଲା । ଡାକ୍ତର ହାତ ଫ୍ୟାକଚର ହୋଇଥିବା ନେଇ ପ୍ଲାଷ୍ଟର କରିବା ପାଇଁ ଯାଉଥିବା ବେଳେ ଶିଶୁଟି ଜୋରରେ କାନ୍ଦିଥିଲା। ଏନେଇ ଡାକ୍ତର ଶିଶୁଟିକୁ ଚାରି ପାଞ୍ଚ ଚାପୁଡ଼ା ମାରିଥିବା ଶିଶୁର ବାପା ଟାଉନ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପାଇବା ପରେ ପୋଲିସ ଚାଇଲ୍ଡଲାଇନକୁ ସୂଚନା ଦେଇଥିଲା । ତେବେ ପୋଲିସ ଏବଂ ଚାଇଲ୍ଡଲାଇନ ଏହି ଘଟଣାର ତଦନ୍ତ ଆରମ୍ଭ କରିଛନ୍ତି ।