ଝାରସୁଗୁଡ଼ା: ଜିଲ୍ଲାର ଏମସିଏଲ୍ର ଲଖନପୁର ଖଣି ଅଞ୍ଚଳରେ ଥିବା ବନ୍ଧବାହାଲକୁ ଯିବା ରାସ୍ତା ଏବେ ମରଣ ଯନ୍ତା ପାଲଟିଛି । କୋଇଲା ବୋଝେଇ ଟ୍ରକ ଚଳା ଚଳ ହେଉଥିବାରୁ କୋଇଲା ଗୁଣ୍ଡରେ ପୋତି ହୋଇଯାଇଛି । ଆଉ ଏବେ ଝିପ ଝିପ ବର୍ଷାରେ ଏହି ରାସ୍ତା ସମ୍ପୂର୍ଣ୍ଣ କାଦୁଅ ହୋଇଯାଇଛି ।
ଏହି ରାସ୍ତାର ଥିବା ଛକଟି ବିଭିନ୍ନ ଅଞ୍ଚଳକୁ ଯୋଡିହେବା ସହିତ ବେଲପାହାଡ଼ରୁ ବନ୍ଧବାହାଲ ଯିବା ବାଟରେ ପଡିଥାଏ । ଏଥିସହ ରାସ୍ତା ବନହରପାଲି, ବ୍ରଜରାଜନଗର, ତିଲିଆ ଓ ସମ୍ବଲପୁର ଜିଲ୍ଲାକୁ ସଂଯୋଗ କରୁଥିବାରୁ ପ୍ରତିଦିନ ଶହ ଶହ ଲୋକେ ଏହି ବାଟ ଦେଇ ଯିବା ଆସିବା କରିଥାନ୍ତି । ହେଲେ ଏହି ରାସ୍ତା ଉପରେ କୋଇଲା ପରିବହନ ହେଉଥିବାରୁ ରାସ୍ତାରେ କୋଇଲା ଗୁଣ୍ଡ ଜମାହୋଇ ରହୁଛି । ସାଧାରଣ ଦିନରେ କୋଇଲା ଗୁଣ୍ଡ ଉଡୁଥିବାରୁ ଲୋକେ ଅଭିଯୋଗ କରିଥିଲେ କିନ୍ତୁ ବର୍ଷା ଯୋଗୁଁ ବର୍ତ୍ତମାନ ସ୍ଥିତି ବେହାଲ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା