ଝାରସୁଗୁଡ଼ାରେ 67ତମ ରାଜ୍ୟସ୍ତରୀୟ କବାଡ଼ି ପ୍ରତିଯୋଗୀତା ଉଦଯାପିତ

ଓଏସଏପି ସେକେଣ୍ଡ ବାଟାଲିୟନ ଖେଳ ପଡ଼ିଆରେ ଚାଲିଥିବା 67 ତମ ରାଜ୍ୟସ୍ତରୀୟ ପୁରୁଷ ଓ ମହିଳା ବର୍ଗ କବାଡି ପ୍ରତିଯୋଗୀତା ଉଦଯାପିତ ହୋଇଛି । ପୁରୁଷ ବର୍ଗରେ ଓଡ଼ିଶା ପୋଲିସ ଓ ମହିଳା ବର୍ଗରେ ପୂର୍ବତଟ ରେଳବାଇ ଚମ୍ପିଆନ ହୋଇଛନ୍ତି।

ଝାରସୁଗୁଡ଼ା: ଓଏସଏପି ସେକେଣ୍ଡ ବାଟାଲିୟନ ଖେଳପଡ଼ିଆରେ ଚାଲିଥିବା 67 ତମ ରାଜ୍ୟସ୍ତରୀୟ ପୁରୁଷ ଓ ମହିଳା ବର୍ଗ କବାଡି ପ୍ରତିଯୋଗୀତା ଉଦଯାପିତ ହୋଇଛି । ପୁରୁଷ ବର୍ଗରେ ଓଡିଶା ପୋଲିସ ଦଳ ଚମ୍ପିଆନ ହୋଇଛି। ସେହିପରି ମହିଳା ବର୍ଗରେ ପୂର୍ବତଟ ରେଳବାଇ ଦଳ ଚମ୍ପିଆନ ଆଖ୍ୟା ଅର୍ଜନ କରିଛି।

ଚମ୍ପିଆନ ଓଡ଼ିଶା ପୋଲିସ ଟିମ

ଫାଇନାଲ ମୁକାବିଲାରେ ପୁରୁଷ ବର୍ଗରେ ଓଡ଼ିଶା ପୋଲିସ ଓ ଢେଙ୍କାନାଳ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା । ମ୍ୟାଚ ଶେଷ ପର୍ଯ୍ୟନ୍ତ ସଂଘର୍ଷ ପୂର୍ଣ୍ଣ ରହିଥିଲା । ତେବେ 33-34 ପଏଣ୍ଟରେ ଓଡିଶା ପୋଲିସ ଦଳ ବାଜି ମାରିନେଇଥିଲା। ସେହିପରି ମହିଳା ବର୍ଗରେ ପୂର୍ବତଟ ରେଳବାଇ ଓ କେନ୍ଦ୍ରାପଡା ମଧ୍ୟରେ ଫାଇନାଲ ଖେଳ ହୋଇଥିଲା। ଏଥିରେ ପୂର୍ବତଟ ରେଳବାଇ 32-17 ପଏଣ୍ଟରେ ବିଜୟୀ ହୋଇ ଚମ୍ପିଆନ ହୋଇଥିଲା।

ଚମ୍ପିଆନ ପୂର୍ବତଟ ରେଳବାଇ ମହିଳା ଟିମ

୩ ଦିନ ଧରି ଖେଳାଯାଇଥିବା ଏହି କବାଡ଼ି ପ୍ରତିଯୋଗୀତାରେ ରାଜ୍ୟର 28ଟି ପୁରୁଷ ଓ 18ଟି ମହିଳା କବାଡି ଦଳ ଯୋଗ ଦେଇଥିଲେ । ମୋଟ 557 ଜଣ ଖେଳାଳି ସାରା ରାଜ୍ୟରୁ ଯୋଗ ଦେଇଥିଲେ ।ଉଦଯାପନୀ ସମାରୋହରେ ଝାରସୁଗୁଡ଼ା ଜିଲ୍ଲାପାଳ ମୁଖ୍ୟ ଅତିଥି ଭାବରେ ଯୋଗ ଦେଇ ଚମ୍ପିଆନ ଓ ରନର୍ସ ଅପ ଦଳକୁ ପୁରସ୍କୃତ କରିଥିଲେ।

ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ