ବ୍ରଜରାଜନଗର ଗୁଳିକାଣ୍ଡ ଘଟଣା: ଅଭିଯୁକ୍ତକୁ ଗିରଫ ଦାବିରେ ରାସ୍ତାରୋକ, ଯାତାୟତ ବାଧାପ୍ରାପ୍ତ

ବ୍ରଜରାଜନଗର ଗୁଳିମାଡ ଘଟଣା ପ୍ରତିବାଦରେ ରାସ୍ତାରୋକ୍ । ସ୍ଥାନୀୟ ଲୋକେ ଦୋକାନ ବଜାର ସହ ଗାଡି ଚଳାଚଳ ବନ୍ଦ କରିଥିଲେ । ପରେ ଗାଡି ଚଳାଚଳ ସ୍ବାଭାବିକ୍ ହୋଇଥିବାବେଳେ ଦୋକାନ ବଜାର ବନ୍ଦ ରହିଛି ।

ଝାରସୁଗୁଡା: ସୋମବାର ରାତିରେ ବ୍ରଜରାଜନଗର ବସଷ୍ଟାଣ୍ଡରେ ହୋଇଥିବା ଗୁଳିମାଡ ଘଟଣାକୁ ନେଇ ପ୍ରତିବାଦ । ଗାନ୍ଧୀଛକ ଠାରେ 49 ନମ୍ବର ଜାତୀୟ ରାଜପଥକୁ ଅବରୋଧ କରିଥିଲେ ସ୍ଥାନୀୟ ଲୋକେ । ରାଜରାସ୍ତାରେ ଟାୟାର ଜାଳି ବିକ୍ଷୋଭ କରିବା ସହ ଅଭିଯୁକ୍ତଙ୍କୁ ଗିରଫ ପାଇଁ ଦାବି କରିଛନ୍ତି ଲୋକେ ।

ରାସ୍ତାରୋକ ଯୋଗୁଁ ବ୍ରଜରାଜନଗରରେ ଦୋକାନ ବଜାର ସହ ଗାଡି ଚଳାଚଳ ବନ୍ଦ ରହିଥିଲା । ପରେ ଗାଡି ଚଳାଚଳ ସ୍ବାଭାବିକ୍ ହୋଇଥିବାବେଳେ ଦୋକାନ ବଜାର ବନ୍ଦ ରହିଛି । ତେବେ ଏହି ବନ୍ଦ ଯୋଗୁଁ କିଛି ଘଣ୍ଟା ପାଇଁ ଯାତାୟତ ବାଧାପ୍ରାପ୍ତ ହୋଇଥିଲା ।

ସେପଟେ ପୂର୍ବ ଶତ୍ରୃତାକୁ କେନ୍ଦ୍ର କରି ଗୁଳିମାଡ ହୋଇଥିବା କହିଛନ୍ତି ଅତିରିକ୍ତ ଏସପି । ତଦନ୍ତ ଚାଲିଛି ଖୁବ୍ ଏହି ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତଙ୍କୁ ଗିରଫ କରାଯିବ ବୋଲି ସେ କହିଛନ୍ତି ।

ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ