ଝାରସୁଗୁଡ଼ା: JSW ଷ୍ଟିଲ ପ୍ଲାଣ୍ଟର ଏକ ଠିକା ସଂସ୍ଥା ବିରୋଧରେ ସାଙ୍ଘାତିକ ଅଭିଯୋଗ ଆଣିଲା ଝାରସୁଗୁଡା ବିଜେପି । ସମ୍ବଲପୁର ଠେଲକୋଲେଇରେ ଥିବା ଏହି ପ୍ଲାଣ୍ଟରେ ଝାରସୁଗୁଡା ଲଇକେରା ବ୍ଲକ ଭାତଲଇଡ଼ା ପଞ୍ଚାୟତର ଠିଠେଇମାଲ ଗ୍ରାମର ୪ ଜଣ ବ୍ୟକ୍ତି କାମ କରୁଥିଲେ । ଏକ ବ୍ଲାଷ୍ଟିଂରେ ଏହି ଶ୍ରମିକମାନେ ଜଳି ଯାଇଥିଲେ ।
JSW ପ୍ଲାଣ୍ଟ ବିରୋଧରେ ବିଜେପିର ଅଭିଯୋଗ, ଦୁର୍ଘଟଣାର ଶିକାର ଶ୍ରମିକଙ୍କୁ ମିଳୁନି ସହାୟତା
ତେବେ ଦୁର୍ଘଟଣା ପରେ କେସ ନକରିବା ପାଇଁ ଏହି ଶ୍ରମିକଙ୍କୁ JSW ଷ୍ଟିଲ ପ୍ଲାଣ୍ଟର ଏକ ଠିକା ସଂସ୍ଥା ଧମକ ଦେଇଥିଲା । ଚିକିତ୍ସା ଖର୍ଚ୍ଚ ବାବଦକୁ ମାତ୍ର ୭ ହଜାର ଟଙ୍କା ଯୋଗାଇ ଦିଆଯାଇଛି । ବର୍ତ୍ତମାନ ସମସ୍ତ ଚିକିତ୍ସା ଖର୍ଚ୍ଚ ପରିବାର ଲୋକେ ବହନ କରୁଥିବାବେଳେ ଅଧିକ ଚିକିତ୍ସା ପାଇଁ ପ୍ଲାଣ୍ଟର କର୍ତ୍ତୃପକ୍ଷ କିମ୍ବା ଠିକାସଂସ୍ଥା କୌଣସି ପ୍ରକାର ସାହାଯ୍ୟ ଯୋଗାଇ ଦେଉନଥିବା ଅଭିଯୋଗ ହୋଇଛି ।