ସ୍ଵାସ୍ଥ୍ୟମନ୍ତ୍ରୀଙ୍କ ରୋଷେୟା ମୃତ୍ୟୁ ଘଟଣା: ବିଜେଡି-ବିଜେପି ମୁହାଁମୁହିଁ

ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ରୋଷେୟା ଆତ୍ମହତ୍ୟାକୁ ନେଇ ବିଜେଡି ବିଜେପି ମୁହାଁମୁହିଁ । ଶତାଧିକ କର୍ମୀଙ୍କୁ ଉଠେଇ ନେଲା ପୋଲିସ । ଅଧିକ ପଢନ୍ତୁ

ଝାରସୁଗୁଡ଼ା:ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ରୋଷେୟା ଆତ୍ମହତ୍ୟାକୁ ନେଇ ଝାରସୁଗୁଡାରେ ତେଜୁଛି ବିବାଦ । ବଢୁଥିବା ଅସନ୍ତୋଷ ଆଜି ନେଇଛି ଉଗ୍ରରୂପ । ପରିସ୍ଥିତିକୁ ନିୟନ୍ତ୍ରଣକୁ ଆଣିବା ପାଇଁ 144 ଧାରା ଲାଗିଥିବା ସତ୍ତ୍ବେ ବିଜେଡି ବିଜେପି ମୁହାଁମୁହିଁ ହୋଇଛନ୍ତି । ଫଳରେ ଇଭୟ ଦଳ ଓ ପୋଲିସ ମଧ୍ୟରେ ଧସ୍ତାଧସ୍ତି ହୋଇଛି । ପରିସ୍ଥିତି ଅସମ୍ଭାଳ ହେବାରୁ ଶତାଧିକ ବିଜେଡି ଓ ବିଜେପି କର୍ମୀଙ୍କୁ ପୋଲିସ ଉଠେଇ ନେଇଛି । ଏହି ସମୟରେ ବିଜେଡି କର୍ମୀ ବିଜେପି କର୍ମୀଙ୍କୁ ଟମାଟୋ ମାଡ କରିଥିବା ଦେଖିବାକୁ ମିଳିଥିଲା ।

ସୂଚନା ଅନୁଯାୟୀ ଲଳିତ ସାହୁ ଆତ୍ମହତ୍ୟା ଘଟଣାରେ ଆଜି ଉଭୟ ବିଜେପି ବିଜେଡି ଧାରଣାରେ ବସିଥିଲେ, ୧୪୪ଧାରା ଜାରି ଥିବାରୁ ଉଭୟ ଗୋଷ୍ଠୀକୁ ଗିରଫ କରାଯାଇଛି । ତେବେ ରୋଷେୟା ଲଳିତ ସାହୁ ମୃତ୍ୟୁ ମାମଲାରେ ମୁହଁ ଖୋଲିଲେ ନବ ଦାସ । ଆଇନକୁ ତା ବାଟରେ ଯିବାକୁ ଦିଅ, ଆଇନ ଅନୁଯାୟୀ ତଦନ୍ତ ହେବା ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଥିଲେ ନବ ଦାସ ।

ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ