ଝାରସୁଗୁଡା: ଜିଲ୍ଲାରେ ସରଗରମ ପଞ୍ଚାୟତ ନିର୍ବାଚନୀ ତାତି । ଯେତିକି ପାଖେଇ ଆସୁଛି ନିର୍ବାଚନ ମତଦାନ ଦିନ ସେତିକି ବୃଦ୍ଧି ପାଉଛି ରାଜନୈତିକ ଉଷ୍ମତା । ତେବେ ଭୋଟରଙ୍କୁ ଆକୃଷ୍ଟ କରିବା ପାଇଁ ପ୍ରାର୍ଥୀ କରୁଛନ୍ତି ଜୋରଦାର ପ୍ରଚାର ।
ଲଖନପୁରେ ବିଜେଡି ଓ ବିଜେପିର ଜୋରଦାର ପ୍ରଚାର
ସେହିପରି ଗାଁରେ ଦେଖିବାକୁ ମିଳୁଛି ନିର୍ବାଚନୀ ମାହୋଲ । ତେବେ ଝାରସୁଗୁଡା ଜିଲ୍ଲା ଲଖନପୁର ବ୍ଲକର ଜୋନ- ୩ର ଆସନ ହାତେଇବାକୁ ବିଜେଡି ଓ ବିଜେପି କରୁଛନ୍ତି ଜୋରଦାର ପ୍ରଚାର । ଗତ ପଞ୍ଚାୟତ ନିର୍ବାଚନରେ ବିଜେପି ଏହି ଆସନକୁ ହାତେଇଥିଲା । ଏଥର ମଧ୍ୟ ଏହି ଆସନକୁ ହାତ ଛଡା ନ କରିବା ଲାଗି ବିଜେପି ପ୍ରାର୍ଥୀ ଘରକୁ ଗର ବୁଲି କରୁଛନ୍ତି ପ୍ରଚାର । ଦଳୀୟ ସମର୍ଥକଙ୍କ ସହ ବିଜେପି ଜିଲ୍ଲା ପରିଷଦ ପ୍ରାର୍ଥିନୀ ସଞ୍ଜୁଲତା ସେଠ ଘରକୁ ଘର ବୁଲି ଭୋଟ ଭିକ୍ଷା କରୁଛନ୍ତି । ଏଥିସହ ଭୋଟରଙ୍କୁ ଦେଉଛନ୍ତି ଭିନ୍ନ ଭିନ୍ନ ପ୍ରତିଶୃତି ।