ଝାରସୁଗୁଡ଼ା: ଜିଲ୍ଲାର ସଦର ଥାନା ଅନ୍ତର୍ଗତ ନୟାପଡ଼ାର ଏକ ଘରୁ ଅଟୋ ଡ୍ରାଇଭରର ଝୁଲନ୍ତା ମୃତଦେହ ଉଦ୍ଧାର । ସ୍ଥାନୀୟ ଲୋକ ମୃତଦେହକୁ ଦେଖିବା ପରେ ପୋଲିସ ଉକ୍ତ ସ୍ଥାନରେ ପହଞ୍ଚି ମୃତଦେହକୁ ଉଦ୍ଧାର କରିଛି । ତେବେ ପାରିବାରିକ କଳହ ଯୋଗୁଁ ଅଟୋ ଡ୍ରାଇଭର ଜଣକ ଆତ୍ମହତ୍ୟା କରିଥିବା ମୃତକଙ୍କ ସମ୍ପର୍କୀୟ ଅଭିଯୋଗ କରିଛନ୍ତି ।
ପାରିବାରିକ କଳହର କରୁଣ ପରିଣତି, ଅଟୋ ଡ୍ରାଇଭରଙ୍କ ଆତ୍ମହତ୍ୟା
ମୃତକ ହେଉଛନ୍ତି ୨୭ ବର୍ଷୀୟ ଯୁବକ ପ୍ରୀତମ ସିଂ । ସେ ଅଟୋ ଚଳାଇ ପରିବାର ପ୍ରତିପୋଷଣ କରନ୍ତି । ମୃତକଙ୍କ ସମ୍ପର୍କୀୟ ମନୋଜ ସିଂ କହିଛନ୍ତି, "ବିଗତ କିଛି ମାସ ଧରି କୌଣସି କାରଣକୁ ନେଇ ମୃତକଙ୍କ ପରିବାରରେ ଅଶାନ୍ତିର ବାତାବରଣ ହୋଇଥିଲା । ଯାହାଫଳରେ ଉଭୟ ସ୍ବାମୀ ସ୍ତ୍ରୀ ମଧ୍ୟରେ ଝଗଡ଼ା ହେଉଥିଲା । ଏଭଳି ପାରିବାରିକ କଳହ ଲାଗି ରହିବାରୁ ସ୍ତ୍ରୀ ଘରଛାଡି ଚାଲିଯାଇଥିଲେ । ପରେ ପ୍ରୀତମ ନିଜ ସ୍ତ୍ରୀକୁ ଘରକୁ ଫେରିବା ପାଇଁ ବାରମ୍ବାର ଅନୁରୋଧ କରିଥିଲେ ଏବଂ ମାନସିକ ଚାପରେ ରହୁଥିଲେ ।"