ଝାରସୁଗୁଡା: ବୀର ସୁରେନ୍ଦ୍ର ସାଏ ବିମାନବନ୍ଦରରୁ ଉଡିଲା ଏଲାଏନ୍ସ ଏୟାର ବିମାନ । କୋଭିଡ୍ 19 ପାଇଁ ବିମାନ ସେବା ବନ୍ଦ ଥିବାବେଳେ ଆଜିଠାରୁ ଏଲାଏନ୍ସ ଏୟାର ବିମାନ ପୁଣି ସେବା ଆରମ୍ଭ କରିଛି ।
ଝାରସୁଗୁଡାରୁ ଉଡିଲା ଏଲାଏନ୍ସ ଏୟାର
ପ୍ରଥମେ ସକାଳ 7ଟା 35ରେ ବିମାନଟି କୋଲକାତା ବିମାନ ବନ୍ଦରରୁ ବାହାରି ଝାରସୁଗୁଡା ବିମାନବନ୍ଦରରେ ପହଞ୍ଚିଥିବାବେଳେ 8ଟା 10ରେ ଭୁବନେଶ୍ବର ଅଭିମୁଖେ ଉଡାଣ ଭରିଛି ।
ପରେ ଭୁବନେଶ୍ବରରୁ 9 ଟା 45ରେ ବିମାନ ବାହାରି 10ଟା 50ରେ ଝାରସୁଗୁଡାରେ ପହଞ୍ଚିବ ବୋଲି ସୂଚନା ମିଳିଛି । ସେହିପରି ଝାରସୁଗୁଡାରୁ 11ଟା 30ରେ ବାହାରି ଦିନ 1ଟାରେ କୋଲକାତାରେ ବିମାନ ଅବତରଣ କରିବ ବୋଲି ଏଲାଏନ୍ସ ଏୟାର ଷ୍ଟେସନ ମ୍ୟାନେଜର ଅଭିଜିତ୍ ଶତପଥୀ ସୂଚନା ଦେଇଛନ୍ତି ।