ଥମୁନି ଲଜ୍ଜା; ପିଜୁଳି ଦେବା ବାହାନାରେ ଦୁଷ୍କର୍ମ !

ଆଇନ ଯେତେ ଶକ୍ତ ହେଲେ ମଧ୍ୟ କାମାନ୍ଧଙ୍କ ଉପରେ କୌଣସି ପ୍ରଭାବ ପଡୁନଥିବା ଅଭିଯୋଗ ହେଉଛି । ଫଳରେ ଦିନକୁ ଦିନ ନାବାଳିକା ଦୁଷ୍କର୍ମ ମାମଲା ବୃଦ୍ଧି ପାଉଛି ।

ଝାରସୁଗୁଡା: ପିଜୁଳି ଦେଇ ଜଣେ ୭ ବର୍ଷର ନାବାଳିକାଙ୍କୁ ଯୁବକଙ୍କ ଦୁଷ୍କର୍ମ । ଏମିତି ଏକ ଲଜ୍ଜା କର ଘଟଣା ଘଟିଛି ଝାରସୁଗୁଡା ଅଞ୍ଚଳରେ । ଅଭିଯୋଗ ଅନୁଯାୟୀ ଝାରସୁଗୁଡା ଜିଲ୍ଲା ବ୍ରଜରାଜନଗର ଥାନା ଅଞ୍ଚଳରେ ଘଟିଛି ଏପରି ଘଟଣା । ପୀଡିତା ନାବାଳିକା ଘଟଣା ସଂପର୍କରେ ଘରେ କହିବା ପରେ ପରିବାର ଲୋକେ ବ୍ରଜରାଜ ନଗର ଥାନାରେ ଅଭିଯୋଗ କରିଥିଲେ । ପୋଲିସ ପକ୍ସୋ ଆକ୍ଟରେ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରି ଘଟଣାର ତଦନ୍ତ କରୁଛି ।

ଅଭିଯୋଗ ଅନୁଯାୟୀ ଗତକାଲି ପୀଡିତା ଶିଶୁକନ୍ୟା ଗାଁ ଦାଣ୍ଡରେ ଖେଳୁଥିବା ବେଳେ ଏହି ସମୟରେ ଅଭିଯୁକ୍ତ ଜଣକ ପିଜୁଳି ଦେବା ବାହାନାରେ ତାକୁ ଡାକି ନେଇଥିଲା ନିକଟସ୍ଥ କେନାଲ ପାଖକୁ । ସେଠାରେ ଦୁଷ୍କର୍ମ କରିଥିବା ପୀଡିତା ଶିଶୁକନ୍ୟା ପରିବାର ଲୋକଙ୍କୁ କହିଛି । ପୀଡିତା ଶିଶୁ କନ୍ୟାକୁ ଝାରସୁଗୁଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ