ଠେଙ୍ଗା ମାଡ଼ରେ ଯୁବକ ମୃତ, ଅଭିଯୁକ୍ତ ଥାନାରେ ଅଟକ

ବଚସାକୁ ନେଇ ତୁମୁଳ କାଣ୍ଡ । ଯୁବକଙ୍କ ଠେଙ୍ଗାମାଡରେ ଅନ୍ୟଜଣେ ଯୁବକ ମୃତ । ପୋଲିସର ତଦନ୍ତ ଜାରି । ଅଧିକ ପଢନ୍ତୁ...

ଝାରସୁଗୁଡ଼ା: ଜିଲ୍ଲାର ବେଲପାହାଡ ଥାନା ଅନ୍ତର୍ଗତ ଗୁମାଡେରାର ଖମାରପଡାରେ ଅଘଟଣ । ଠେଙ୍ଗା ମାଡ଼ରେ ମନୋଜ ବିଶ୍ୱାଳ ନାମକ ଜଣେ ଯୁବକଙ୍କ ମୃତ୍ୟୁ ହୋଇଛି । ସ୍ଥାନୀୟଲୋକଙ୍କ ଠାରୁ ଖବରପାଇ ବେଲପାହାଡ଼ ପୋଲିସ ସାଇଣ୍ଟିଫିକ ଟିମ ସହିତ ପହଞ୍ଚି ତଦନ୍ତ କରୁଛି । ଗତକାଲି(ବୁଧବାର) ସନ୍ଧ୍ୟାରେ ଅଭିଯୁକ୍ତ ପ୍ରମୋଦ ଭୋଇ ତାଙ୍କ ପତ୍ନୀଙ୍କ ସହିତ ଯାଉଥିବା ବେଳେ କୌଣସି କଥାକୁୁ ନେଇ ମନୋଜଙ୍କ ସହିତ ବଚସା ଗାଳି ଗୁଳଜ ହୋଇଥିଲା ।

ଅଭିଯୁକ୍ତ ପ୍ରମୋଦ ଏଥିରେ ହଠାତ ଉତ୍ତ୍ୟକ୍ତ ହୋଇ ମନୋଜଙ୍କ ମୁଣ୍ଡକୁ ଏକ ଠେଙ୍ଗାରେ ଆକ୍ରମଣ କରିବାରୁ ସେ ଗୁରୁତର ହୋଇ ପଡ଼ିଥିଲେ । ଗୁରୁତର ଅବସ୍ଥାରେ ମନୋଜକୁ ଘରୋଇ ଡାକ୍ତରଖାନାକୁ ନିଆଯାଇଥିଲା ମାତ୍ର ଡାକ୍ତର ମୃତ ଘୋଷଣା କରିଥିଲେ । ଘଟଣାସ୍ଥଳରେ ବେଲପାହାଡ଼ ପୋଲିସ ପହଁଚି ଅଧିକ ତଦନ୍ତ ଆରମ୍ଭ କରିଛି । ଅଭିଯୁକ୍ତ ପ୍ରମୋଦକୁ ପୋଲିସ ଅଟକ ରଖିଛି ।

ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ