ଜିଲ୍ଲାପରିଷଦ ଭୋଟ ପାଇଁ ପ୍ରଚାର ମଇଦାନରେ ପ୍ରୀତିରଞ୍ଜନ ଘଡାଇ

ସୁକିନ୍ଦା ନିର୍ବାଚନମଣ୍ଡଳୀ ଅଧୀନସ୍ଥ 8ନଂ ଜିଲ୍ଲାପରିଷଦ ଜୋନରେ ହେବାକୁ ଥିବା ଉପନିର୍ବାଚନ ପାଇଁ ଚାଲିଛି ଜୋରଦାର ପ୍ରଚାର।

ଯାଜପୁର: ଆସନ୍ତା 27ରେ ସୁକିନ୍ଦା ନିର୍ବାଚନମଣ୍ଡଳୀ ଅଧୀନସ୍ଥ 8ନଂ ଜିଲ୍ଲାପରିଷଦ ଜୋନରେ ଉପନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଶାସକ ଦଳ ବିଜେଡିରୁ ପ୍ରଦୀପ ମହାନ୍ତି ଦଳୀୟ ପ୍ରାର୍ଥୀ ଭାବେ ନିିର୍ବାଚନ ଲଢୁଛନ୍ତି। ଆଉ ତାଙ୍କ ପାଇଁ ପ୍ରଚାର ମୈଦାନକୁ ଓହ୍ଲାଇଛନ୍ତି ସ୍ଥାନୀୟ ବିଧାୟକ ପ୍ରୀତିରଞ୍ଜନ ଘଡାଇ। ରାଜ୍ୟ ସରକାରଙ୍କ ସଫଳତାକୁ ପାଥେୟ କରି ଭୋଟ ଭିକ୍ଷା କରିଛନ୍ତି ସୁକିନ୍ଦା ବିଧାୟକ।

ଏହି ଜୋନର ଜିଲ୍ଲାପରିଷଦ ସଦସ୍ୟ ଥିବା ପ୍ରତାପ ଧିର ଇସ୍ତଫା ଦେବା ପରେ ବର୍ତ୍ତମାନ ଆସନଟି ଖାଲି ପଡିଛି। ସେପଟେ, ଚଳିତ ଉପନିର୍ବାଚନରେ ଅଧିକରୁ ଅଧିକ ଭୋଟରେ ବିଜୟୀ ହେବେ ବୋଲି ଆଶାବାଦୀ ଅଛନ୍ତି ବିଜେଡି ପ୍ରାର୍ଥୀ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ