ବିଳମ୍ବିତ ରାତିରେ 1 ଲକ୍ଷ ମୂଲ୍ୟର କାଠ ବୋଝେଇ ଭ୍ୟାନ ଜବତ

ଯାଜପୁର ରୋଡରୁ ଚୋରା କାଠ ବୋଝେଇ ପିକ୍ ଅପ୍ ଭ୍ୟାନ ଜବତ । ଗୁରୁବାର ବିଳମ୍ବିତ ରାତିରେ ଯାଜପୁର ରୋଡ୍ ବନବିଭାଗ ଏହି ଚୋରା କାଠ ଜବତ କରିଛି । ଅଧିକ ପଢନ୍ତୁ...

ଯାଜପୁର: ଚୋରା କାଠ ବୋଝେଇ ପିକ୍ ଅପ୍ ଭ୍ୟାନ ଜବତ । ଗୁରୁବାର ବିଳମ୍ବିତ ରାତିରେ ଯାଜପୁର ରୋଡ୍ ବନବିଭାଗ ଏହି ଚୋରା କାଠ ଜବତ କରିଛି । ଯାଜପୁରରୁ ବରପଦା ଯାଉଥିବା ବେଳେ ବନ ବିଭାଗ ପକ୍ଷରୁ ଚଢାଉ କରାଯାଇ ଚୋରା କାଠ ଜବତ କରାଯାଇଛି ।

ଯାଜପୁର ଜିଲ୍ଲା ଥାନା ଅନ୍ତର୍ଗତ 20 ନମ୍ବର ଜାତୀୟ ରାଜପଥ କଣ୍ଟାଝରିଗଡ ନିକଟସ୍ଥ ଅଶୋକଝରରୁ ବରପଦା ଯାଉଥିବା ଏକ ଚୋରା କାଠ ଚାଲାଣ ଗାଡି ଜବତ ହୋଇଛି । ଯାଜପୁର ଜିଲ୍ଲା ବନ ବିଭାଗ ଚଢଉ କରି ଏହି ଚୋରା କାଠ ଜବତ କରିଛି । ଗାଡିରେ 80 ସିଫ୍ଟ କୁଟିଆ ଏବଂ ଶିରିଶ ଗୋଳଇ କାଠ ଚାଲାଣ ହେଉଥିଲା । ଜବତ କାଠର ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କା । ଜବତ ପରେ ଗାଡି ଚାଳକ ଫେରାର୍ ହୋଇଯାଇଥିବା ସୂଚନା ମିଳିଛି । ଏହି ଚଢାଉରେ ଯାଜପୁର ରୋଡ ରେଞ୍ଜର ଦେବେନ୍ଦ୍ର କୁମାର ପଟ୍ଟନାୟକ, ନିର୍ମଳ ମଲ୍ଲିକ, ତ୍ରିଲୋଚନ ଦାସ, ସ୍ବରୂପ ନାୟକ ପ୍ରମୁଖ ସାମିଲ ଥିଲେ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ