ଯାଜପୁର ରୋଡ ଥାନା ସହର ସାହିରେ ମହିଳାଙ୍କ ଆତ୍ମହତ୍ୟା
ଯାଜପୁର:ଯାଜପୁର ରୋଡ ଥାନା ସହରସାହିରେ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ପ୍ରାଥମିକ ତଦନ୍ତରୁ ଏହାଏକ ଆତ୍ମହତ୍ୟାଜନିତ ମୃତ୍ୟୁ ବୋଲି ସନ୍ଦେହ କରାଯାଉଛି । ମୃତ ମହିଳାଙ୍କ ବାପ ଘର ଲୋକେ ତାଙ୍କୁ ହତ୍ୟା କରାଯାଇଥିବା ନେଇ ଥାନାରେ ଅଭିଯୋଗ କରଛନ୍ତି । ମହିଳାଙ୍କ ବାପ ଘର ଲୋକ ଶାଶୁଘର ନାମରେ ହତ୍ୟା ଅଭିଯୋଗ କରିଛନ୍ତି । ଥାନାରେ ଲିଖିତ ଅଭିଯୋଗ ପରେ ସାଇଣ୍ଟିଫିକ ଟିମ୍ ଦ୍ବାରା ତଦନ୍ତ ଆରମ୍ଭ କରାଯାଇଛି ।
ସୂଚନା ମୁତାବକ ଯାଜପୁର ରୋଡ ଥାନା ସହରସାହିରେ ଏକ ବର୍ଷ ହେବ ସନ୍ତୋଷ କୁମାର ସାହୁ ତାଙ୍କ ପତ୍ନୀଙ୍କୁ ନେଇ ଏକ ଭଡା ଘରେ ରହୁଥିଲେ । ତେବେ ସୋମବାର ସକାଳୁ ସ୍ଵାମୀ ସନ୍ତୋଷ କୁମାର ସାହୁ ଏକ ଗ୍ୟାରେଜକୁ କାମ କରିବାକୁ ଯାଇଥିଲେ । ହଠାତ ତାଙ୍କ ପତ୍ନୀ ଘର କବାଟ ଖୋଲୁ ନଥିବା ପଡ଼ିଶା ଘର ଲୋକେ ଫୋନ କରି ସନ୍ତୋଷଙ୍କୁ ଜଣାଇଥିଲେ । ସନ୍ତୋଷ ଖବର ପାଇ ତୁରନ୍ତ ଘରେ ପହଞ୍ଚି କବାଟ ଖୋଲି ତାଙ୍କ ପତ୍ନୀଙ୍କ ଝୁଲନ୍ତା ମୃତଦେହ ଦେଖିବାକୁ ପାଇଥିଲେ। ଏହାପରେ ସନ୍ତୋଷ ଯାଜପୁର ପୋଲିସକୁ ଖବର ଦେଇଥିଲେ ।