ଯୌତୁକ ଜୁଇରେ ଜଳିଲା ବୋହୂ, ତଣ୍ଟି କାଟି କଲେ ହତ୍ୟା

ଯୌତୁକ ପାଇଁ ସୋମବାର ବିଞ୍ଝାରପୁର ଥାନା ଅନ୍ତର୍ଗତ ଗୁଣ୍ଡୁରିପଡା ଗାଁରେ ଜଣେ ମହିଳାଙ୍କୁ ଶାଶୁ ଓ ନଣନ୍ଦ ତଣ୍ଟି କାଟି ହତ୍ୟା କରିଛନ୍ତି ।

ଯାଜପୁର: ଯୌତୁକ ପାଇଁ ମହିଳାଙ୍କ ତଣ୍ଟି କାଟି ହତ୍ୟା । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବିଞ୍ଝାରପୁର ଥାନା ଅନ୍ତର୍ଗତ ଗୁଣ୍ଡୁରିପଡା ଗାଁରେ ।

ସୂଚନା ଅନୁଯାୟୀ, ସୋମବାର ବିଞ୍ଝାରପୁର ଥାନା ଅନ୍ତର୍ଗତ ଗୁଣ୍ଡୁରିପଡା ଗାଁରେ ଜଣେ ମହିଳାଙ୍କୁ ଯୌତୁକ ପାଇଁ ଶାଶୁ ଓ ନଣନ୍ଦ ତଣ୍ଟି କାଟି ହତ୍ୟା କରିଥିବା ମହିଳାଙ୍କ ଭାଇ ଅଭିଯୋଗ ଆଣିଛନ୍ତି । ମୃତକ ମହିଳାଙ୍କ ସ୍ୱାମୀ ବାହାରେ ରହୁଥିବାବେଳେ ଶ୍ବଶୁର ମଧ୍ୟ ଘରେ ନଥିବାର ସୂଚନା ମିଳିଛି ।
ଏପଟେ ଅଭିଯୁକ୍ତ ଫେରାର ଥିବାବେଳେ ଘଟଣାସ୍ଥଳରେ ପୋଲିସ ସହ ସାଇଣ୍ଟିଫିକ୍ ଟିମ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ