ଯାଜପୁର: 2015 ମସିହାରେ ଯାଜପୁର ଜିଲ୍ଲାର ନୁଆଗାଁରେ ହୋଇଥିବା ସ୍ତ୍ରୀର ହତ୍ୟାକାଣ୍ଡ ମାମଲାର ଆଜି (ଶୁକ୍ରବାର) ଶୁଣାଣି ଆସିଲା । ଅଭିଯୁକ୍ତ ସ୍ବାମୀକୁ 10 ବର୍ଷ ସଶ୍ରମ କାରାଦଣ୍ଡ ଦେଲେ ଅତିରିକ୍ତ ଜିଲ୍ଲା ଦୌରାଜଜ । 2015 ମେ 10 ତାରିଖରେ ରଜନୀ ମୁଣ୍ଡାକୁ ତା ସ୍ବାମୀ କୁନା ସିଂ ପିଟିପିଟି ହତ୍ୟା କରିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଘଟଣାରୁ ପ୍ରକାଶ ଯେ 2015 ମସିହା ମେ 10 ତାରିଖରେ ରଜନୀ ମୁଣ୍ଡାକୁ ତା ସ୍ବାମୀ କୁନା ସିଂ ପିଟିପିଟି ହତ୍ୟା କରିଥିଲା । ଏନେଇ ଯାଜପୁର ରୋଡ ଥାନାରେ ଲିଖିତ ଅଭିଯୋଗ ହୋଇଥିଲା । ସ୍ତ୍ରୀର ଚରିତ୍ର ସନ୍ଦେହ କରି କୁନା ଏହି ହତ୍ୟାକାଣ୍ଡ ଘଟାଇଥିବା ଅଭିଯୋଗରେ ଦର୍ଶାଯାଇଛି । ଏହି ଘଟଣାରେ ପୋଲିସ ଅଭିଯୁକ୍ତ ସ୍ବାମୀକୁ ଗିରଫ କରି ଜେଲ ହାଜତକୁ ପଠାଇଥିଲା । ଆଜି ଯାଜପୁର ରୋଡ୍ ଏଡିଜେ କୋର୍ଟର ଅତିରିକ୍ତ ଜିଲ୍ଲା ଦୌରାଜଜ୍ ଦେବଦତ୍ତ ଦାସ ମହାପାତ୍ର 14 ଜଣ ସାକ୍ଷଙ୍କ ବୟାନ ରେକର୍ଡ କରି ଏହି ମାମଲାରେ ଶୁଣାଣି କରିଥିଲେ ।