ଯାଜପୁର: ଯାଜପୁର ଜିଲ୍ଲାରେ ଗତକାଲି(ବୁଧବାର) ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହୋଇଥିଲା । ଏହି ସମୟରେ ଅନେକ ବୁଥରେ ନିର୍ବାଚନୀ ହିଂସା ଦେଖିବାକୁ ମିଳିଥିଲା । ଏହି ଘଟଣାରେ ଯାଜପୁର ଜିଲ୍ଲାରେ 14 ଜଣଙ୍କୁ ଗିରଫ କରାଯାଇଛି । ସେମାନଙ୍କ ମଧ୍ୟରୁ ଦୁଇ ଜଣ ଅଭିଯୁକ୍ତକୁ ଯାଜପୁର ସଦର ପୋଲିସ ଗିରଫ କରିଛି । ଏବଂ ସେମାନଙ୍କ ନାମ କରୁଣାକର ଆଚାର୍ଯ୍ୟ ଓ ମଣିନାଥ ସାହୁ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।
ଯାଜପୁରରେ ନିର୍ବାଚନୀ ହିଂସା,14 ଗିରଫ
ସୂଚନାଅନୁସାରେ, ରୁଦ୍ରପୁର ଗ୍ରାମର 5 ନଂ ବୁଥକୁ ଜବରଦଖଲ କରି ଦୁବୃର୍ତ୍ତ ବାଲଟ ପେପର ନେଇଯାଇଥିଲେ। ଯାହାକି ସୋସିଆଲ ମିଡ଼ିଆରେ ଭାଇରାଲ ହୋଇଥିଲା। ସେହିଭଳି ଧର୍ମଶାଳା ବ୍ଲକ ଅନ୍ତର୍ଗତ ଦେଓଦା ପଞ୍ଚାୟତର ଚଇନିହୁଡା ପ୍ରକଳ୍ପ ପ୍ରାଥମିକ ବିଦ୍ୟାଳୟ ୬ନଂ ଏବଂ ୭ନଂ ବୁଥ ଅରାବଳ ପଞ୍ଚାୟତର ନାଳକୁଳର ୮ନଂ ବୁଥ ରାଗିଙ୍ଗି ଘଟଣାରେ ମୋଟ 14 ଜଣ ଅଭିଯୁକ୍ତଙ୍କୁ ଆଜି ଗିରଫ କରାଯାଇଛି ।