ଯାଜପୁର: ଗତ ଜୁଲାଇ ୬ତାରିଖ ପାଣିକୋଇଲି ଥାନା ଅଞ୍ଚଳରେ ହୋଟେଲ ବ୍ୟବସାୟୀ ରବିନ୍ଦ୍ର ସାହୁ ହତ୍ୟାକାଣ୍ଡର ପର୍ଦ୍ଦାଫାଶ ହୋଇଛି । ପରକୀୟା ପ୍ରୀତି ଯୋଗୁଁ ନିଜର ଦୁଇ ଶଳା ଏବଂ ସାନ ଶଳାର ପ୍ରେମିକା ମିଶି ଏହି ହତ୍ୟାକାଣ୍ଡ ଘଟାଇଥିବା ପୋଲିସ କହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ରବିନ୍ଦ୍ର କିଛି ବର୍ଷ ପୂର୍ବେ ପାଟକୁରା ଅଞ୍ଚଳରୁ ଆସି ପାଣିକୋଇଲିରେ ହୋଟେଲ ବ୍ୟବସାୟ କରିବା ସହ ନିକଟସ୍ଥ ଗ୍ରାମରେ ବିବାହ କରିଥିଲେ । ତାଙ୍କର ଏକ ପୁତ୍ର ସନ୍ତାନ ମଧ୍ୟ ରହିଛି । କିନ୍ତୁ ରବିନ୍ଦ୍ର ଧିରେଧିରେ ବିଭିନ୍ନ ଅସାମାଜିକ କାର୍ଯ୍ୟରେ ଲିପ୍ତ ରହିବା ସହ ନିଜ ସ୍ତ୍ରୀକୁ ମାରଧର ମଧ୍ୟ କରୁଥିବା ଅଭିଯୋଗ ଥିଲା । ୨୦୧୯ ଫେବୃଆରୀ ୭ରେ ସ୍ତ୍ରୀକୁ ମରଣାନ୍ତକ ଆକ୍ରମଣ ତଥା ଯୌତୁକ ନିର୍ଯାତନା ଅଭିଯୋଗରେ ଗିରଫ ହୋଇ ରବିନ୍ଦ୍ର କିଛିଦିନ ଜେଲ୍ ଯାଇଥିଲା । ସେଠାରୁ ଫେରିବା ପରେ ପୁନଃ ସ୍ତ୍ରୀ ଉପରେ ନିର୍ଯାତନା ଦେବାରୁ ନିଜ ବଡଶଳା ଚନ୍ଦ୍ରକାନ୍ତ ମହାପାତ୍ର ଏବଂ ସାନଶଳା ରଞ୍ଜନ ମହାପାତ୍ର ପ୍ରତିଶୋଧ ପରାୟଣ ହୋଇପଡିଥିଲେ ।