ଜୋତା ବୋଝେଇ ଟ୍ରକ ଲୁଟେରା ଗିରଫ

ଲିଫ୍ଟ ମାଗିବା ବାହାନାରେ ଜୋତା ବୋଝେଇ ଟ୍ରକକୁ ଲୁଟି ନେଇଥିବା ଲୁଟେରାକୁ ଗିରଫ କରିଛି କୁଆଖିଆ ପୋଲିସ । ଗିରଫ ପରେ ଲୁଟେରାକୁ କୋର୍ଟ ଚାଲାଣ କରାଯାଇଛି । ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତ ଏବେ ବି ଫେରାର ।

ଯାଜପୁର: ଲିଫ୍ଟ ମାଗିବା ବାହାନାରେ ଜୋତା ବୋଝେଇ ଟ୍ରକକୁ ଲୁଟି ନେଇଥିବା ଲୁଟେରା ଗିରଫ ହୋଇଛି । ଗିରଫ ଅଭିଯୁକ୍ତ ହେଲେ ଭଦ୍ରକ ଥାନା ଅଞ୍ଚଳର ଲାଲା ଖାନ । ଗିରଫ ପରେ ତାକୁ କୋର୍ଟ ଚାଲାଣ କରିଛି କୁଆଖିଆ ପୋଲିସ ।

ସୂଚନାନୁସାରେ, ଗତ 19 ତାରିଖ ଦିନ କୋଲକାତାରୁ ବାଙ୍ଗାଲୋର ଅଭିମୁଖେ ଏକ ଜୋତା ବୋଝେଇ ଟ୍ରକ ଯାଉଥିଲା । ଏହିସମୟରେ ଲାଲା ବାରବାଟି ନିକଟରେ ଲିଫ୍ଟ ମାଗି ଟ୍ରକରେ ଚଢିଥିଲା । ପରେ ଡ୍ରାଇଭରକୁ ମାଡ ମାରି ଯାଜପୁର ଜିଲ୍ଲା କୁଆଖିଆ ଅଞ୍ଚଳରୁ ସେ ଟ୍ରକ ନେଇ ଫେରାର ହୋଇଯାଇଥିଲା । ଘଟଣାକୁ ନେଇ କୁଆଖିଆ ଥାନାରେ ଅଭିଯୋଗ ହୋଇଥିଲା । ପରେ ପୋଲିସ ତଦନ୍ତ କରି ଟ୍ରକକୁ ବାଲିଚନ୍ଦ୍ରପୁର ଅଞ୍ଚଳରୁ ଉଦ୍ଧାର କରିଥିଲା ।

ତେବେ ଘଟଣାରେ ସମ୍ପକ୍ତ ଥିବା ଅନ୍ୟ ଅଭିଯୁକ୍ତ ମାନେ ଫେରାର ଅଛନ୍ତି । ସେମାନଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ଯାଜପୁର ରୋଡ ଏସଡିପିଓ ସୂଚନା ଦେଇଛନ୍ତି ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ