ଯାଜପୁର:ବିଶ୍ୱକର୍ମା ପୂଜାରେ ହୋଇଛି ଅଘଟଣ । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ଅଧିନ ସାପଗଡ଼ିଆ ଅଞ୍ଚଳରେ । ପୂଜା ସାରି ଘରକୁ ଫେରୁଥିବା ସାପଗଡ଼ିଆ ନିକଟରେ ଟ୍ରେନ ଧକ୍କାରେ ବୃଦ୍ଧ ମୃତ୍ୟୁ ହୋଇଥିବା ନେଇ ଦେଖିବାକୁ ମିଳିଛି । ସୂଚନାନୁସାରେ ଯାଜପୁର ରୋଡ ଥାନା ସାପଗଡ଼ିଆ ଗାଁର ସେକ ଜାଫର ଉତ୍ସବ ପ୍ୟାଲେସ ନିକଟରେ ଥିବା ପ୍ରିନ୍ସ ଟେଲରରେ କାର୍ଯ୍ୟ କରନ୍ତି ।
ବିଶ୍ୱକର୍ମା ପୂଜାରେ ଅଘଟଣ, ପୂଜା ସାରି ଘରକୁ ଫେରୁଥିବା ବେଳେ ଟ୍ରେନ ଧକ୍କାରେ ବୃଦ୍ଧ ମୃତ
ତେବେ ଆଜି(ଶୁକ୍ରବାର) ବିଶ୍ୱକର୍ମା ପୂଜା ଥିବାରୁ ବୃଦ୍ଧ ସେକ ଜାଫର ଟେଲର ଦୋକାନକୁ ପୂଜା କରିବାକୁ ଯାଇଥିଲେ । ସେଠାରେ ପୂଜା ସାରି ଘରକୁ ମିଠା ଧରି ଘରକୁ ଫେରୁଥିଲେ । ତେବେ ସେକ ଜାଫର ନାମକ ବୃଦ୍ଧ ଜଣକ ସାପଗଡ଼ିଆସ୍ଥିତ ରେଳ ଲାଇନ ପାର ହୋଇ ଘରକୁ ଯାଉଥିଲେ । ହଠାତ ରେଳ ଧାରଣା ପାର ହେଉଥିବାବେଳେ ଜାଫରଙ୍କୁ ଏକ ମାଲବାହୀ ଟ୍ରେନ ଧକ୍କା ଦେଇଥିଲା ।