ଯାଜପୁର: ବ୍ୟାସନଗର ପୌରାଞ୍ଚଳର ଗ୍ରୀନ ମାର୍କେଟରେ ଆକସ୍ମିକ ଅଗ୍ନିକାଣ୍ଡ ଘଟିଛି । ଏଥିରେ ଦୁଇଟି ପରିବା ଗୋଦାମ ଜଳିଯିବା ସହିତ 3ଟି 4ଚକିଆ ଯାନ ସମ୍ପୂର୍ଣ୍ଣ ରୂପେ ଜଳିଗଲା। ଏହି ଅଗ୍ନିକାଣ୍ଡରେ ଗୋଟିଏ ପିକଅପ୍ ଭ୍ୟାନ, ଗୋଟିଏ ଟ୍ରକ୍ ଓ ଗୋଟିଏ ଟ୍ରାକ୍ଟର ମଧ୍ୟ ଜଳିଯାଇଥିବା ଜଣାପଡିଛି । ରମେଶ ରାଉତ ଓ ବଳରାମ ସାହୁଙ୍କ ଦୁଇଟି ପରିବା ଗୋଦାମ ସମ୍ପୂର୍ଣ୍ଣ ଜଳିଯାଇଛି। ଗୋଦାମରେ ଥିବା କମ୍ପ୍ୟୁଟର, ନଗଦ ଟଙ୍କା, ପନିପରିବା ଓ ଅନ୍ୟାନ୍ୟ ସାଜସରଞ୍ଜାମ ଜଳିପୋଡି ପାଉଁଶ ହୋଇଯାଇଛି । ଯାଜପୁର ରୋଡ୍, ଦାନଗଦି ଓ ବରୁଣ୍ଡାଇ ଅଗ୍ନିସେବା କେନ୍ଦ୍ରର 3ଟି ଦମକଳ ନିଆଁଲିଭା କାର୍ଯ୍ୟରେ ନିୟୋଜିତ ଅଛନ୍ତି।
ବ୍ୟାସନଗର ପୌରାଞ୍ଚଳ ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା 2 ଦୋକାନ ସହ ଏକାଧିକ ଗାଡି