ଯାଜପୁର: ଟ୍ରକ ଧକ୍କାରେ 3ୟ ଶ୍ରେଣୀର ଛାତ୍ରୀଙ୍କର ମୃତ୍ୟୁ ଘଟିଛି । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲାର ସୁକିନ୍ଦା ଥାନା ଅନ୍ତର୍ଗତ ମଙ୍ଗଳପୁର ଗାଁରେ । ଏହି ଗାଁର ସଅମିଲ ସାହିର ଜୟରାମ ପୁର୍ତ୍ତୀଙ୍କ ୩ୟ ଶ୍ରେଣୀରେ ପଢୁଥିବା ଝିଅ ଦେବଜାନୀ ପୂର୍ତ୍ତୀଙ୍କୁ ସଡକ ଦୁର୍ଘଟଣାରେ ମୃତ୍ୟୁ ଘଟିଛି । ଏନେଇ ସ୍ଥାନୀୟ ଲୋକେ ଉତ୍ୟକ୍ତ ହୋଇ ରାସ୍ତା ଅବରୋଧ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ସୂଚନା ଅନୁସାରେ ଜୟରାମ ପୁର୍ତ୍ତୀଙ୍କ ଝିଅ ଦେବଜାନୀ ପୂର୍ତ୍ତୀ ବିଦ୍ୟାଳୟ ଛୁଟି ହେବା ପରେ ଘରକୁ ଫେରୁଥିଲେ । ସେହି ସମୟରେ ୫୩ ନମ୍ବର ଜାତୀୟ ରାଜପଥର ମଙ୍ଗଳପୁର ଛକ ନିକଟରେ ଏକ ଚଉଦ ଚକିଆ ଟ୍ରକ ଚଢିଯିବା ଫଳରେ ଘଟଣାସ୍ଥଳରେ ଝିଅଟିର ମୃତ୍ୟୁ ହୋଇଛି । ଏନେଇ ସ୍ଥାନୀୟ ଜନସାଧାରଣ ବିକ୍ଷୋଭ ପ୍ରଦର୍ଶନ କରିଥିଲେ । ସେପଟେ ଟ୍ରକ ଚାଳକ ପୋଲିସରେ ଜିମାରେ ଥିବା ଜଣାପଡିଛି ।