ଯାଜପୁର:କୋରୋନା ମହାମାରୀ ପାଇଁ ରାଜ୍ୟବ୍ୟାପୀ ଜାରି ରହିଛି ଲକଡାଉନ ଓ ସଟଡାଉନ । ଆଉ ଏହି ସମୟରେ ଗ୍ରାମାଞ୍ଚଳରେ ଅବାଧରେ ଚୋରା ମଦ କାରାବାର କରୁଛନ୍ତି କିଛି ଅସାମାଜିକ ବ୍ୟକ୍ତି ଏବଂ ଯେଉଁ ମାନେ ସେମାନଙ୍କୁ ବିରୋଧ କରୁଛନ୍ତି ତାଙ୍କୁ ମଧ୍ୟ ଗାଳିଗୁଲଜ କରୁଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ଚୋରା ମଦ ବିକ୍ରିକୁ ନେଇ ଥାନାରେ ଗ୍ରାମବାସୀଙ୍କ ଏତଲା
ପାଣିକୋଇଲି ଥାନା ବନେଇପୁର ମହିଳା ସୂଚନାନୁଯାୟୀ ପାଣିକୋଇଲି ଥାନା ଅନ୍ତର୍ଗତ କରଦା ଗ୍ରାମପଞ୍ଚାୟତର ବନେଇପୁର ଗ୍ରାମରେ କାଳନ୍ଦୀ ପଳତା ଏବଂ ନବ ପଳତା ନାମକ ଦୁଇଜଣ ବ୍ୟକ୍ତି ଚୋରା ମଦ କାରବାର କରୁଥିଲେ । ଖବର ପାଇ ଗ୍ରାମର ମହିଳା ମାନେ ମଦ କାରବାର ବନ୍ଦ କରିବା ପାଇଁ ଚେତାବନୀ ଦେଇଥିଲେ । ଏହାପରେ କାଳନ୍ଦୀ ପଳତା ଏବଂ ନବ ପଳତା ଦୁଇଜଣ ମିଶି ମଦ କାରବାରକୁ ବିରୋଧ କରୁଥିବା ମହିଳା ମାନଙ୍କୁ ଅଶାଳୀନ ଭାଷାରେ ଗାଳିଗୁଲଜ କରିବା ସହ ଚୋରା ମଦ ବେପାର ବନ୍ଦ କରିବେ ନାହିଁ ବୋଲି ଧମକ ଦେଇଛନ୍ତି ।