ଯାଜପୁର: ରାସ୍ତାଘାଟ ଓ ଶୈବପୀଠ, ସବୁଠି କେବଳ ଭୋଲା ବାବା ପାର କରେଗା ଓ ବୋଲବମ୍ ଧ୍ବନି । ମନରେ କେତେ କାମନା ନେଇ କାନ୍ଧରେ ଜଳକୁମ୍ଭ ବୋହି ସଭିଏଁ ଚାଲିଛନ୍ତି ଭୋଲାବାବା ପାଖରେ ଜଳଲାଗି କରିବା ପାଇଁ । ତେବେ ଶ୍ରାବଣ ମାସରେ ବିଭିନ୍ନ ଶୈବପୀଠରେ କାଉଡିଆଙ୍କ ଭିଡ ଦେଖିବାକୁ ମିଳୁଥିବାବେଳେ ଦ୍ବିତୀୟ ସୋମବାରରେ ସବୁଠାରୁ ଅଧିକ ଭିଡ ଦେଖିବାକୁ ମିଳିଛି ବୈତରଣୀ ନଦୀର ଦଶ୍ବାଶମେଧ ଘାଟରେ ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ବିଶ୍ବାସ ରହିଛି ଏହି ଘାଟରୁ ଜଳ ଭାର ନେଇ ମହାଦେବଙ୍କ ପାଖରେ ଲାଗି କଲେ ପାପ କ୍ଷୟ ହେବା ସହ ମନୋସ୍କାମନା ପୂର୍ଣ୍ଣ ହୁଏ । ତେଣୁ ଜିଲ୍ଲାରୁ ହଜାର ହଜାର କାଉଡିଆ ଏହି ଘାଟରୁ ଜଳ ସଂଗ୍ରହ କରି ମୁହଁରେ ବୋଲବମ୍ ଧ୍ବନି ନେଇ ଭୋଳା ବାବାଙ୍କ ପାଖରେ ଜଳଲାଗି କରିଥାଆନ୍ତି ।