ଯାଜପୁର:ଆଜି ପବିତ୍ର ମକର ସଂକ୍ରାନ୍ତି । ଗାଁଠୁ ସହର ଚଳଚଞ୍ଚଳ ହୋଇପଡିଛି । ସଂକ୍ରାନ୍ତି ପାଇଁ ମନ୍ଦିରଗୁଡିକରେ ଲୋକମାନଙ୍କର ପ୍ରବଳ ଭିଡ ଦେଖିବାକୁ ମିଳିଛି । କୋରୋନା କାଳରେ ଜନ ସମାଗମକୁ ଆଖିରେ ରଖି ଯାଜପୁର ଜିଲ୍ଲା ବିଂଝାରପୁର ଅରେଇର ପ୍ରସିଦ୍ଧ ବାବା ବରୁଣେଶ୍ୱରଙ୍କ ପୀଠରେ ପ୍ରଶାସନ ପକ୍ଷରୁ 144ଧାରା ଜାରି ରହିଛି।
ପ୍ରସିଦ୍ଧ ବାବା ବରୁଣେଶ୍ୱରଙ୍କ ପୀଠରେ 144ଧାରା
ଚଳିତ ବର୍ଷ କୋରୋନାରେ ସବୁ ପର୍ବ ଫିକା ଫିକାରେ ପାଳିତ ହୋଇଛି । କୋରୋନା ସ୍ଥିତି ନିୟନ୍ତ୍ରଣାଧୀନ ଥିଲେ ବି ସତର୍କତା ଅବଲମ୍ବନ କରିବାକୁ ପ୍ରଶାସନ ପକ୍ଷରୁ ସମସ୍ତଙ୍କୁ ଅନୁରୋଧ କରାଯାଇଛି । ଏ ବର୍ଷ କୋରୋନା ପାଇଁ ପ୍ରସିଦ୍ଧ ବାବା ବରୁଣେଶ୍ୱରଙ୍କ ପୀଠରେ 144ଧାରା ଲଗାଯାଇଛି । ଫଳରେ ଭକ୍ତ ବାବାଙ୍କୁ ଦର୍ଶନ କରି ନପାରି ନିରାଶ ହୋଇଛନ୍ତି । କେବଳ ରାସ୍ତା ଉପରୁ ବାବାଙ୍କୁ ମୁଣ୍ଡିଆ ମାରିଛନ୍ତି ।