ଯାଜପୁର: କୋରୋନା ଦେଶକୁ ଅକ୍ତିଆର କରିବା ଦିନଠୁ ରାଜ୍ୟର ସବୁ ଧର୍ମାନୁଷ୍ଠାନଗୁଡିକୁ ବନ୍ଦ କରାଯାଇଛି । ଫଳରେ ମନ୍ଦିର ସେବାୟତ ମାନେ ବହୁ ଦୁଃଖରେ ଜୀବନ ଯାପନ କରି ଆସୁଛନ୍ତି । ତେବେ ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରାଜଙ୍କ ମନ୍ଦିର ଶିଘ୍ର ଖୋଲିବାକୁ ସେବାୟତମାନେ ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି ।
ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ମନ୍ଦିର ଖୋଲିବାକୁ ସେବାୟତଙ୍କ ଅନୁରୋଧ
ପ୍ରାୟ ସାତ ମାସ ହେବ ବନ୍ଦ ରହିଛି ଯାଜପୁରର ଦେବୀ ମା ବିରଜାଙ୍କ ମନ୍ଦିର । ମନ୍ଦିର ବନ୍ଦ ହେବା ଫଳରେ ଆର୍ଥିକ ଦୁଃସ୍ଥିତି ଦେଇ ଗତି କରୁଛନ୍ତି । ନିକଟରେ ରାଜ୍ୟ ସରକାର ଧର୍ମାନୁଷ୍ଠାନ ଗୁଡିକୁ ଖୋଲିବା ପାଇଁ ଜିଲ୍ଲାପାଳଙ୍କୁ ଦାୟିତ୍ବ ଦେଇଛନ୍ତି । ଫଳରେ ଜିଲ୍ଲାପାଳଙ୍କୁ ଭେଟି ନିଜର ଅସୁବିଧା ବିଷୟରେ ଅବଗତ କରିଛନ୍ତି ସେବାୟତ ।