ଯାଜପୁର: ମନ୍ଦିର ସମ୍ମୁଖରେ 4 ଘଣ୍ଟା ଧରି ଏକ ଅଜଣା ବୃଦ୍ଧଙ୍କ ମୃତଦେହ ପଡିଥିଲେ ବି ସହରବାସୀଙ୍କ ଠାରୁ ଆରମ୍ଭ କରି ପୌର ପ୍ରଶାସନର ଅଧିକାରୀମାନେ କେହି ବି ଆଡ ଆଖିରେ ଅନାଇ ନଥିଲେ । ଯାଜପୁର ଜିଲ୍ଲା ବାୟସନଗର ପୌରପରିଷଦ ସ୍ଥିତ ସାଇ ବାବା ମନ୍ଦିର ସମ୍ମୁଖରେ ଦେଖିବାକୁ ମିଳିଛି ଏପରି ଏକ ଦୁଃଖଦ ଘଟଣା ।
ରାସ୍ତାରେ ପଡିଥିବା ଅଜଣା ମୃତଦେହର ଅନ୍ତିମ ସତ୍କାର କଲା ଶହୀଦ ଭାଗତସିଂ ଯୁବକ ସଙ୍ଘ
ଶେଷରେ କୌଣସି ଏକ ସୂତ୍ରରୁ ଖବର ପାଇଁ ସତ୍କାର ପାଇଁ ଘଟଣାସ୍ଥଳରେ ପହଞ୍ଚି ଯାଇଥିଲେ ଶହୀଦ ଭାଗତସିଂ ଯୁବକ ସଙ୍ଘର ସଭାପତି ରାଜେନ୍ଦ୍ର ବିଶ୍ବଳଙ୍କ ସମେତ ସଙ୍ଘର ସମସ୍ତ କର୍ମକର୍ତ୍ତା। ସଙ୍ଘର 4 ଜଣ ସଦସ୍ୟ ପିପିଇ କିଟ ପିନ୍ଧି ଆଗରେ କାନ୍ଧ ଦେଇ ଅଜଣା ବୃଦ୍ଧଙ୍କର ଅନ୍ତିମ ସଂସ୍କାର କରିଥିଲେ । ସେପଟେ ଶହୀଦ ଭାଗତ ସିଂ ଯୁବକ ସଙ୍ଘର ଏଭଳି କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଉଛି ।