ବନ୍ୟାଜଳରେ ଭୁଶୁଡିଲା ରାସ୍ତା, ଯାତାୟତ ପ୍ରଭାବିତ

ଯାଜପୁର ଜିଲ୍ଲା ଧର୍ମଶାଳାରେ ବନ୍ୟାଜଳରେ ଭୁଶୁଡିଲା ରାସ୍ତା । କ୍ଷୟକ୍ଷତି ସୂଚନା ନାହିଁ । ଯାତାୟତ ପ୍ରଭାବିତ । ଅଧିକ ପଢନ୍ତୁ...

ଯାଜପୁର: ଧର୍ମଶାଳା ବ୍ଲକ କଣ୍ଟିଗଡିଆରେ ବନ୍ୟାଜଳ ପ୍ରଭାବରେ ଭୁଶୁଡିଲା ସଡକ । ଏଥିରେ ପଥଚାରୀ ଅଳ୍ପକେ ବର୍ତ୍ତିଯାଇଛନ୍ତି । କେହି ମୃତାହତ ହୋଇନଥିବା ସୂଚନା ରହିଥିବାବେଳେ ରାସ୍ତାରେ ଗାଡିି ଚଳାଚଳ ପ୍ରଭାବିତ ହୋଇଛି ।

ଚଳିତ ଲଘୁଚାପଜନିତ ବର୍ଷାରେ ଧର୍ମଶାଳା ବ୍ଲକ କଣ୍ଟିଗଡିଆ ଗ୍ରାମରୁ 5ନଂ(କ) ଜାତୀୟ ରାଜପଥକୁ ସଂଯୋଗ କରୁଥିବା ପ୍ରଧାନମନ୍ତ୍ରୀ ସଡକର କଣ୍ଟିଗଡିଆ ବଡପୋଖରୀ ନିକଟରେ ଥିବା କଲଭର୍ଟ ପାର୍ଶ୍ଵ ରାସ୍ତା ଅଚାନକ ଭୁଶୁଡି ପଡିଥିବା ଦେଖିବାକୁ ମିଳିଛି । ଫଳରେ କଣ୍ଟିଗଡିଆ, ପଟୁଣିଆ, ପାଟପୁର, ମିର୍ଜାପୁର ଆଦି ପଞ୍ଚାୟତବାସୀଙ୍କ ଗମନାଗମନ ସମ୍ପୂର୍ଣ୍ଣ ବନ୍ଦ ହୋଇଯାଇଛି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ