ଯାଜପୁର:ବନ୍ୟା ବାତ୍ୟା ପ୍ରଭାବିତ ଜିଲ୍ଲା ଯାଜପୁର । ଯେଉଁଥିପାଇଁ ବର୍ଷା ଦିନ ପୂର୍ବରୁ ଯାଜପୁର ଜିଲ୍ଲାପାଳ ରଞ୍ଜନକୁମାର ଦାସଙ୍କ ଅଧ୍ୟକ୍ଷତାରେ ଏକ ଆଗୁଆ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି ।
ବର୍ଷା ଦିନ ପୂର୍ବରୁ ଯାଜପୁର ଜିଲ୍ଲାପାଳ ଅଧ୍ୟକ୍ଷତାରେ ପ୍ରସ୍ତୁତି ବୈଠକ
ଜିଲ୍ଲାରେ କୋରୋନା ସଂକ୍ରମଣକୁ ନେଇ ଚିନ୍ତାଜନକ ସ୍ଥିତି ଉପୁଜିଥିବା ବେଳେ କୋରୋନା ମୁକାବିଲା ସହିତ ଆଗାମୀ ଦିନରେ କିପରି ପ୍ରାକୃତିକ ବିପର୍ଯ୍ୟୟ ମୁକାବିଲା କରାଯାଇ ପାରିବ ସେ ନେଇ ବୈଠକରେ ଆଲୋଚନା କରାଯାଇଥିଲା । ଏଥିରେ ଜିଲ୍ଲାପରିଷଦ ଅଧ୍ୟକ୍ଷଙ୍କ ସମେତ ସମସ୍ତ ବରିଷ୍ଠ ପ୍ରଶାସନିକ ଅଧିକାରୀ ଓ ବିଭିନ୍ନ ଲାଇଂ ଡିପାର୍ଟମେଣ୍ଟର ଅଧିକାରୀ ମାନେ ସାମିଲ ଥିଲେ । ବିଭିନ୍ନ ନଦୀକୂଳ ଅଞ୍ଚଳରେ ବିନା ପଞ୍ଜିକରଣରେ ଡଙ୍ଗା ଚାଲିପାରିବ ନାହିଁ ବୋଲି ବୈଠକରେ ଜିଲ୍ଲାପାଳ ସମ୍ପୃକ୍ତ ଅଞ୍ଚଳର ବିଡିଓ, ତହସିଲଦାର ଓ ଥାନା ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଛନ୍ତି ।