ଯାଜପୁର: ବାତ୍ୟା ‘ଫନି’ର ପ୍ରଭାବରେ ସାରା ରାଜ୍ୟରେ ଜାରି ରହିଛି ବର୍ଷା ସହ ପ୍ରବଳ ପବନ । ପ୍ରଭାବରେ ଅନେକ ସ୍ଥାନରେ ବିଶାଳ ଗଛ ଭାଙ୍ଗି ରାସ୍ତା ଅବରୋଧ ହେବା ସହ ବିଦ୍ୟୁତ୍ ସରବରାହ ମଧ୍ୟ ବନ୍ଦ ରହିଛି । ତେବେ ଜିଲ୍ଲାରେ ଏନେଇ ଗଛ ପଡି ଦୁଇ ଜଣଙ୍କର ମୃତ୍ୟୁ ହେବା ସହ ଜଣଙ୍କର ହୃଦଘାତରେ ମୃତ୍ୟୁ ହୋଇଛି ।
ମୃତକ ତିନି ଜଣଙ୍କ ମଧ୍ୟରୁ ଯାଜପୁର ସଦର ବ୍ଲକ ସୁଜନପୁର ଗ୍ରାମର ରଘୁନାଥ ପରମାଣିକଙ୍କ ପୁଅ କଳ୍ପତରୁ ପରମାଣିକ ଓ ବିଞ୍ଝାରପୁର ବ୍ଲକ କଣ୍ଟିପୁର ଗ୍ରାମର ଗୌରାଙ୍ଗ ଦାସଙ୍କର ଗଛ ପଡି ମୃତ୍ୟୁ ହୋଇଛି । ସେହିପରି କୋରେଇ ବ୍ଲକ ମକୁନ୍ଦପୁର ଗ୍ରାମର ବାବାଜୀ ଖଟୁଆଙ୍କର ଗଛ ଉପୁଡିବା ଦେଖି ହୃଦ୍ଘାତରେ ମୃତ୍ୟୁ ହୋଇଥିବା ଜଣାପଡିଛି ।