ଯାଜପୁର: ଧୁ ଧୁ ଖରାକୁ ନାଲି ଟକ ଟକ ମିଠା ତରଭୁଜ । ଆହାଃ ... କି ଶାନ୍ତି । ଗଛ ଛାଇରେ ବସି 2/4ଖଣ୍ଡ ଖାଇଦେଲେ ମନ ଖୁସି ହୋଇଯାଏ । ଦିପ୍ରହରରର ଗରମ ଭୋକ ସବୁ ମେଣ୍ଟିଯାଏ । ଦୂରେଇଯାଏ ଥକାପଣ ।ଏଥିପାଇଁ ତ ଯାଜପୁର ଦେଇ ଯାଇଥିବା ୧୬ ନଂ ଜାତୀୟ ରାଜପଥ କଡ ତରଭୁଜ ଦୋକାନରେ ଜମୁଛି ବାଟୋଇଙ୍କ ଭିଡ । ଗନ୍ତବ୍ୟ ସ୍ତଳକୁ ଯିବା ପୂର୍ବରୁ ମୁଡ ହୁଏ ଟିକେ ଯାଜପୁରର ଏଇ ଦେଶୀ ତରଭୁଜ ଖାଇବାକୁ । ନିଜେ ଖାଇବା ସହ ପରିବାର ଲାଗି ମଧ୍ୟ ବୋହିନିଅନ୍ତି ଯାତ୍ରୀ ।
ଭିଡିଓ ସୌଜନ୍ୟ-ସମ୍ବାଦଦାତା, ଯାଜପୁର
ଆଜିକାଲିର କେମିକାଲ କୋଲ୍ଡଡିଙ୍କ୍ସଠୁ ବେଶ ଭଲ ତରଭୁଜ । ଖରାଦିନିଆ ହେଲ୍ଡି ଫୁଡ ଓ ପାନୀୟ ଭାବେ ସମସ୍ତଙ୍କ ଫାଷ୍ଟ ଚଏସ । ଦାମ ବି ଏତେ ନଥାଏ । ଆଉ ଏଠାକାର ମୂଳାପାଳ ଅଞ୍ଚଳରେ ତ ନିତିଦିନିଆ ମିଳେ ଏଇ ଦେଶୀ ତରଭୁଜ । ଏହାକୁ ବେଉସା କରି ଚାଷୀ ଓ ବ୍ୟବସାୟୀ ବେଶ ଭଲ 2 ପଇସା ମଧ୍ୟ ରୋଜଗାର କରନ୍ତି । ନିଜ ରାଜ୍ୟର ଚାହିଦା ମେଣ୍ଟାଇବା ସହ ଅନ୍ୟ ରାଜ୍ୟକୁ ବି ପଠାନ୍ତି ।