ଯାଜପୁର: ସହି ହଉନି କାରଖାନାର ପ୍ରଦୂଷଣ । ଅଣନିଶ୍ବାସୀ ହୋଇ ବିସ୍ଥାପିତ ହେବାକୁ ଅଡି ବସିଲେଣି ଲୋକେ । ଏନେଇ ଅନେକ ଥର ଆନ୍ଦୋଳନ କରିଛନ୍ତି କଳିଙ୍ଗନଗର ଶିଳ୍ପାଞ୍ଚଳର ବାରାଗଡିଆ ଦଳିତସାହିର ବାସିନ୍ଦା । ତେବେ କୌଣସି ସୁଫଳ ମିଳୁନଥିବାରୁ ଶେଷରେ ଭୋଟ ବର୍ଜ୍ଜନ କରିବାକୁ ନିଷ୍ପତ୍ତି ନେଇଛନ୍ତି ଗ୍ରାମବାସୀ ।
କଳକାରଖାନାର ବିଷାକ୍ତ ଧୂଆଁ ସହ ରାସ୍ତାର ଧୂଳିରେ ଅଣନିଶ୍ବାସୀ ହୋଇ କଳିଙ୍ଗନଗର ଟାଟା କାରଖାନା ପାଚେରୀ କଡରେ ଅବସ୍ଥାପିତ ବାରାଗଡିଆ ଦଳିତସାହିର ଲୋକେ ଦୀର୍ଘଦିନ ଧରି ବିସ୍ଥାପିତ ହେବାକୁ ଦାବି କରି ଆସୁଛନ୍ତି । କାରଖାନାରୁ ଚାକିରି ତଥା କାମଧନ୍ଦା ନ ମିଳି ରୋଗ ମିଳୁଥିବାରୁ ତୁରନ୍ତ ଏ ସମସ୍ୟାର ସମାଧାନ କରିବାକୁ ଅଡି ବସିଛନ୍ତି ଲୋକେ ।