ଯାଜପୁର: ରଙ୍ଗ ଖେଳି ଗାଧୋଉ ଥିବା ସମୟରେ ଯାଜପୁର ଖରସ୍ରୋତାରେ ଭାସି ଯାଇଥିବା ୬ ଜଣଙ୍କ ମଧ୍ୟରୁ ୨ ଜଣଙ୍କ ମୃତ୍ୟୁ ଘଟିଥିବା ସୂଚନା । ଅନ୍ୟ ୪ ଜଣ ବର୍ତ୍ତମାନ ସୁଦ୍ଧା ନିଖୋଜ । ଆଜି(ଶୁକ୍ରବାର) ରଙ୍ଗ ଖେଳିବା ପରେ ଗାଧୋଉ ଥିବା ସମୟରେ ଏହି ଅଘଟଣ ଘଟିଛି । ଯାଜପୁର ଥାନା ବଡ଼ ସୁଆର ବନ୍ଧମୁଣ୍ଡା ଘାଟରେ ଘଟିଛି ଏହି ଅଘଟଣ ।
ହୋଲିରେ ଅଘଟଣ, ଗାଧୋଇବା ସମୟରେ ନଦୀରେ ଭାସି ୨ ମୃତ, ୪ ନିଖୋଜ
ମୃତକ ଦ୍ବୟ ହେଲେ ବିଶ୍ବଜିତ ଜେନା ଓ କୁମୁନ ଜେନା । କୁପୁନ ବନ୍ଧମୁଣ୍ଡା ଗ୍ରାମର ମାମୁଁଘରକୁ ବୁଲି ଆସିଥିବା ସମୟରେ ନଦୀରେ ଗାଧୋଉଥିବା ସମୟରେ ଏହି ଅଘଟଣ ଘଟିଛି । ଯାଜପୁର ସଦର ବ୍ଲକ ବଡ଼ସୁଆର ପଞ୍ଚାୟତ ବନ୍ଧମୁଣ୍ଡା ଗ୍ରାମ ନିକଟସ୍ଥ ଖରସ୍ରୋତା ନଦୀରେ ଘଟିଛି ଏହି ଅଘଟଣ । ଜଣେ ନବାଳକ ବନ୍ଧମୁଣ୍ଡା ଗ୍ରାମର ମାମୁଁଘରକୁ ବୁଲି ଆସିଥିବା ଜଣାପଡିଛି ।