ଯାଜପୁର :ଲକଡାଉନ ଜାରି ରହିଥିବା ବେଳେ ଆମ୍ବୁଲାନ୍ସ ଜରିଆରେ ଯାତ୍ରୀ ପାର କରାଯାଉଥିବା ଅଭିଯୋଗ ଲୋକଲୋଚନକୁ ଆସିଛି । ରୋଗୀ ବଦଳରେ ଶ୍ରମିକଙ୍କୁ ଭଡାରେ ନେଉଥିଲେ ଆମ୍ବୁଲାନ୍ସ ଡ୍ରାଇଭର । ଏଭଳି ପୃଥକ୍ ପୃଥକ୍ ଦୁଇଟି ଘଟଣାରେ ଦୁଇଗୋଟି ଆମ୍ବୁଲାନ୍ସକୁ ଜବତ କରିଛି ଯାଜପୁର ଜିଲ୍ଲାର ଧର୍ମଶାଳା ପୋଲିସ । ଗୁରୁବାର ବିଳମ୍ବ ରାତିରେ କଟକରୁ ଏକ ଆମ୍ବୁଲାନ୍ସ ୧୬ ଜଣ ଶ୍ରମିକଙ୍କୁ ନେଇ ପଶ୍ଚିମବଙ୍ଗ ମୁର୍ସିଦାବାଦ ଅଞ୍ଚଳକୁ ଯିବା ସମୟରେ ଧର୍ମଶାଳାର ଜାତୀୟ ରାଜପଥ ନିକଟରେ ଦୁର୍ଘଟଣାଗ୍ରସ୍ଥ ହୋଇଥିଲା । ଆହତମାନଙ୍କୁ ଧର୍ମଶାଳା ମେଡିକାଲରେ ଭର୍ତ୍ତି କରିବା ପରେ ପୂରା ଘଟଣା ସାମ୍ନାକୁ ଆସିଲା । ଏହି ଦୁର୍ଘଟଣାରେ ୪ଜଣ ଶ୍ରମିକ କଟକ ସ୍ଥାନାନ୍ତର ହୋଇଥିବା ବେଳେ ୧୨ଜଣ ଶ୍ରମିକଙ୍କୁ ଜାରକା ସ୍କୁଲରେ ଥିବା ଆଶ୍ରୟ କେନ୍ଦ୍ରରେ ରଖାଯାଇଛି । ଏହି ଶ୍ରମିକମାନଙ୍କୁ ୪୩ ହଜାର ଟଙ୍କାରେ ଭଡା ସୂତ୍ରରେ ନେଇ ଛାଡିବାକୁ ଆମ୍ବୁଲାନ୍ସ ଡ୍ରାଇଭର ଜଣକ ରାଜି ହୋଇଥିଲେ ।
ଆମ୍ବୁଲାନ୍ସରେ ରୋଗୀ ବଦଳରେ ଯାଉଛନ୍ତି ଯାତ୍ରୀ